بے بسی۔۔عبدالحنان راشد

میرے محلے میں ایک عورت رہتی تھی۔ ابھی شادی کی دس بہاریں ہی ایک ساتھ دیکھی تھیں  کہ اس کا خاوند اُسے اور چار بچوں کو بے رحم دنیا کی ٹھوکروں کے حوالہ کر کے ابدی نیند سو  گیا۔۔۔
وہ بچوں کے بہتر مستقبل کا تب سوچتی اگر اُس کے گھر پیٹ بھرنے کو کھانا میسر ہوتا۔
بچوں کی فکر کے ساتھ ساتھ جسم میں دوڑتے سرطان نے اسے مزید لاغر بنا دیا تھا۔
ڈاکٹروں نے اُسے کہہ رکھا تھا اُس کے پاس وقت بہت کم ہے۔ اسے اپنے دنیا چھوڑ جانے سے زیادہ، اپنے بعد    بچوں کی فکر ستاتی تھی۔
ایک دن اس نے T. V پر سنا کہ
شاہزیب قتل کیس میں مجرم کے گھر والوں
نے پیسوں کے عوض اپنے بیٹے کی  رہائی خرید لی ہے۔
کچھ دنوں بعد خبر ملی اس نے اپنے آپ
کو کسی رئیس کی گاڑی کے آگے ڈال دیا تھا!

عبدالحنان ارشد
عبدالحنان ارشد
عبدالحنان نے فاسٹ یونیورسٹی سے کمپیوٹر سائنس کی ڈگری حاصل کر رکھی ہے۔ ملک کے چند نامور ادیبوں و صحافیوں کے انٹرویوز کر چکے ہیں۔اس کے ساتھ ساتھ آپ سو لفظوں کی 100 سے زیادہ کہانیاں لکھ چکے ہیں۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *