کوپن ہیگن :ڈنمارک میں نقاب پہننے پر پابندی کے قانون کے تحت پہلی نقاب پوش خاتون پر جرمانہ عائد کردیا گیا،خاتون کو تقریبا 20ہزار روپے کے قریب جرمانہ دینا ہوگا۔
ڈنمارک کے علاقے کوپن ہیگن کے قریب ایک شاپنگ مال میں نقاب پر پابندی کے قانون کی خلاف ورزی کرنے پر 28سالہ خاتون پر جرمانہ عائد کردیا گیا ۔
پولیس کے مطابق ایک شاپنگ مال میں ایک خاتون نے نقاب پوش خاتون کو نقاب اتارنے کا کہا جس پر دونوں میں جھگڑا ہوگیا ۔
پولیس نے جھگڑا ختم کراتے ہوئے ایک خاتون پرنقاب کرنے اور دوسری کو جھگڑا کرنے پر جرمانہ کیا۔
ڈنمارک میں بدھ کے روز اس قانون کا اطلاق ہوا تھا جس کے 2روز بعد پہلی خاتون پر جرمانہ عائد کیا گیا۔
نقاب پرپابندی کے قانون کیخلاف متعدد تنظیموں کی جانب سے مظاہرےبھی کئے گئے تھے ۔
Facebook Comments
بذریعہ فیس بک تبصرہ تحریر کریں