عالمی مالیاتی ادارے ٟآئی ایم ایفٞ کے بیل آئوٹ کی قیاس آرائیوں کے باوجود چین نے پاکستان کو اپنے غیرملکی کرنسی ذخائر میں ہونے والی کمی کو بہتر بنانے کے لئے ایک ارب ڈالر کا قرض دے دیا۔ بیجنگ کی جانب سے دیا گیا حالیہ قرضہ اس جانب اشارہ کرتا ہے کہ پاکستان کا اپنے غیر ملکی کرنسی ذخائر میں ہوتی کمی کو پورا کرنے کے لئے چینی قرضے پر انحصار بڑھ رہا ہے۔ اعداد و شمار کے مطابق پاکستان کے غیر ملکی کرنسی کے ذخائر گزشتہ برس مئی میں 16 ارب 40 کروڑ ڈالر سے کم ہوکر رواں برس اسی ماہ میں 9 ارب 66 کروڑ ڈالر تک پہنچ گئے ہیں۔ ذرائع نے غیر ملکی خبر رساں ایجنسی کو بتایا کہ یہ قرض پاکستان اور چین کے درمیان ایک سے 2 ارب ڈالر کے قرض کی بات چیت کا نتیجہ ہے جن کے بارے میں رواں برس مئی میں کچھ خبریں بھی منظر عام پر آئی تھیں۔ وزارت خزانہ کے عہدیدار نے چینی کرنسی کے بارے میں تصدیق کی کہ  یہ ہمارے پاس ہے جبکہ دوسرے عہدیدار نے بتایا کہ معاملہ مکمل ہوچکا ہے۔ تاہم اس حوالے سے جب وزرات خزانہ کے ترجمان سے رابطہ کیا گیا تو انہوں نے اس پر تبصرہ کرنے سے انکار کر دیا۔ رواں برس اختتام پذیر ہونے والے مالی سال میں پاکستان کے لئے چین کا حالیہ قرض 5 ارب ڈالر کی حد کو عبور ک رلے گا۔ وزارت خزانہ کے دستاویزات کے مطابق مالی سال 18õ2017 کے ابتدائی 10 ماہ کے دوران چین نے پاکستان کو دوطرفہ قرض کی مد میں ڈیڑھ ارب ڈالر دیئے تھے۔ اس کے علاوہ اسی دوران پاکستان نے زیادہ چینی بینکوں سے 2 ارب 90 کروڑ ڈالر حاصل کئے تھے۔