• صفحہ اول
  • /
  • خبریں
  • /
  • شاہ زیب قتل کیس کے ملزمان کی بریت پر اپیل آج سماعت کیلئے مقرر

شاہ زیب قتل کیس کے ملزمان کی بریت پر اپیل آج سماعت کیلئے مقرر

کراچی:سپریم کورٹ میں شاہ زیب قتل کیس کے ملزمان کی بریت پرسول سوسائٹی کی اپیل آج سماعت کیلئے مقررکردی گئی۔

ہفتے کو سپریم کورٹ کراچی رجسٹری میں چیف جسٹس میاں ثاقب نثارکی سربراہی میں جسٹس فیصل عرب اور جسٹس سجاد علی شاہ پر مشتمل فل بینچ شاہ زیب قتل کیس کے ملزمان کی بریت پر سول سوسائٹی کی جانب سے دائر درخواست کی سماعت کرے گا۔

tripako tours pakistan

سول سوسائٹی کی  جانب سے درخواست میں مؤقف اختیار کیا گیا کہ شاہ زیب قتل کیس میں ملزمان کو ضمانت کیو ں ملی ؟،سپریم کورٹ آج سندھ ہائیکورٹ کے فیصلے کا جائزہ لے گی۔

واضح رہے کہ شاہ زیب قتل کیس کے علاوہ سندھ میں دودھ کی ناقص و غیر معیاری پیداوار، تیاری اورپیکنگ کا ازخود نوٹس، کراچی کے سرکاری اسپتالوں کی حالت زار اور نجی میڈیکل کالجز میں داخلے، ملک بھر میں جیلوں کی حالت زار ، اہم شخصیات کی آمدورفت کے وقت عام شہریوں کیلیے سڑکوںکی بندش پر ازخود نوٹس، ماحولیاتی آلودگی اور پینے کے صاف پانی کی فراہمی سمیت عوامی اہمیت کے 9 مختلف مقدمات بھی آج سنے جائیں گے۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *