سینیٹ میں قائد حزب اختلاف اعتزاز احسن کا کہنا ہے کہ نوازشریف کو سعودی عرب نے نہیں بلایا بلکہ وہ شہباز شریف کے خوف سے گئے۔ تمام جماعتوں میں تقسیم اور انتشار ہے لیکن پیپلزپارٹی میں کوئی انتشار نہیں، سب متحد ہیں، بلاول بھٹوکی قیادت میں پیپلز پارٹی کامیاب ہوگی۔
لاہور میں میڈیا سے گفتگو کرتے ہوئے اعتزاز احسن نے کہا کہ نواز شریف کو سعودی عرب والوں نے نہیں بلایا، وہ شہبازشریف کے خوف سے چلے گئے ہیں۔انہوں نے کہا کہ اداروں کوتاثر دیا گیا کہ شہبازشریف سعودی عرب والوں کا منظور نظر ہے، شہباز شریف نے وہاں سے ٹیلی فون کیا کہ میں اعلیٰ شخصیات سے ملاقات کر رہا ہوں۔
پی پی رہنما کا کہنا تھا کہ تمام جماعتوں میں تقسیم اور انتشار ہے لیکن پیپلزپارٹی میں کوئی انتشار نہیں، سب متحد ہیں، بلاول بھٹوکی قیادت میں پیپلز پارٹی کامیاب ہوگی۔سینیٹ میں قائد حزب اختلاف نے کہا کہ طاہرالقادری کے ساتھ شہدا سے اظہار یکجتی کے لیے ملاقات کی گئی ہے، طاہرالقادری کے ساتھ سیاسی اتحاد نہیں کیا۔اعتزاز احسن کا کہنا تھا کہ پی ٹی آئی کے سمیع الحق سے اتحاد کے نتائج خطرناک ہوں گے۔
Facebook Comments
بذریعہ فیس بک تبصرہ تحریر کریں