یوٹیوبر نے ویڈیوبنانے کیلئے تقریباً سوا 7 کروڑ روپے کی لیمبورگینی تباہ کردی۔

تفصیلات کےمطابق  ایک روسی یوٹیوبرمیخائل لیٹوین نے ایک سفید لیمبورگینی Urus SUV کو مکمل طور پر تباہ کر دیا اور پورے ایونٹ کو کیمرے میں قید  کر لیا۔ انتہائی لگژری کار جس کی  ابتدائی قیمت سوا سات  کروڑ  روپے کے قریب ہے، کو  لیٹوین نے انرجی ڈرنک برانڈ لِٹ انرجی کی تشہیر کے لیے ٹکڑے ٹکڑے کر دیا۔

میخائل لیٹوین نے یوٹیوب پر ویڈیو شیئر کی ہے  جہاں ان کے 10 ملین سے زیادہ سبسکرائبر ہیں۔ کلپ میں سیٹ اپ کو ایک بڑی کرین کے ذریعے لٹ انرجی کے کار کے سائز کے کین کے ساتھ دیکھا جا سکتا ہے جسے بعد میں لیمبورگینی ایس یو وی کے بالکل اوپر گرا دیا گیا، جس سے یہ سیکنڈوں میں مکمل طور پر تباہ ہو گئی۔

Advertisements

لیٹوین نے کچھ دن پہلے یہ ویڈیو اپ لوڈ کی تھی اور تب سے اس ویڈیو کو سات ملین سے زیادہ لوگ دیکھ چکے ہیں  جب کہ اس پر تبصروں کا بھی سیلاب آیا ہوا ہے اور اس سٹنٹ پر لوگ ملے جلے ردِ عمل کا اظہار کر رہے ہیں۔  بہت سے لوگوں نے اس عمل پر تنقید کی اور کہا ‘اسی وجہ سے فراری اپنے گاہک کا انتخاب دعوت نامے کی بنیاد پر کرتی ہے’۔