اسلام آباد:وزیراعظم عمران خان نے وفاقی وزیر برائے آبی وسائل فیصل واوڈا اوروزیراطلاعات پنجاب فیاض الحسن چوہان کے حالیہ متنازع بیانات کا نوٹس لے لیا ۔
تفصیلات کے مطابق، منگل کو وزیراعظم عمران خان کی جانب سے نے وفاقی وزیرفیصل واواڈا اورصوبائی وزیرفیاض الحسن چوہان کی حالیہ بیان بازی کا نوٹس لیا گیا۔
نوٹس کے تحت دونوں وزراء سے پارٹی سطح پروضاحت طلب کی جائے گی ،وزیراعظم کے معاون خصوصی نعیم الحق نے بھی گزشتہ روزٹوئٹ کیا تھا ،وزیر اطلاعات پنجاب فیاض الحسن چوہان کیخلاف اقلیتوں کیخلاف ریمارکس دینے پرایکشن لیا جائےگا ۔
ٹویٹ میں کہا گیا تھاکہ پی ٹی آئی حکومت سینئررکن کی جانب سے ہندو برادری کیلئے فضول ، توہین اورہتک امیزگفتگوبرداشت نہیں کرے گی اوروزیراعلیٰ پنجاب کے ساتھ مشاورت کے بعد وزیرکیخلاف عملی اقدام اٹھایا جائے گا ۔
دوسری جانب وفاقی وزیربرائے آبی وسائل فیصل واوڈا کے بیان پربھی گزشتہ روزاپوزیشن نےشدید احتجاج اورقومی اسمبلی اجلاس کا بائیکاٹ کیا ،ڈپٹی اسپیکرنے وفاقی وزیرکووضاحت کیلئے طلب کرلیا تھا ۔
وفاقی وزیرفیصل واوڈا نے اپنے بیان پرمعافی جبکہ صوبائی وزیرفیاض الحسن چوہان نے وضاحت دی ہے
Facebook Comments
بذریعہ فیس بک تبصرہ تحریر کریں