کراچی: میگا منی لانڈرنگ کیس کے سلسلے میں جے آئی ٹی کی جانب سے عدم تعاون کی شکایت کے بعد وزیراعلیٰ سندھ سید مراد علی شاہ نے چیف جسٹس آف پاکستان جسٹس ثاقب نثار سے ملاقات کی۔ ملاقات میں ایڈووکیٹ جنرل سندھ، چیف سیکریٹری اور دیگر حکام بھی شریک ہوئے۔
وزیراعلیٰ سندھ نے میڈیا سے گفتگو کرتے ہوئے بتایا کہ چیف جسٹس سے چیمبر میں ملاقات ہوئی۔ چیف جسٹس نے کہا کہ طلب نہیں کیا، ملاقات کیلئے بلایاتھا۔ میں نہ کہا کہ ہروقت ملاقات کیلئے تیار ہوں۔
ساتھ ہی انہوں نے کہا کہ معلومات دینا اداروں کا کام ہے، وزیراعلیٰ کا نہیں۔
وزیراعلیٰ سندھ کے مطابق جے آئی ٹی نے ایری گیشن، ورکس اینڈ سروسز ڈپارٹمنٹ سے تفصیلات مانگی تھیں اور اس کے لیے 2 دن دیئے گئے تھے، اتنے وقت میں اتنا سارا دیٹا کیسے دیا جاسکتا ہے، ایسا تھوڑی ہوتا ہے کہ ایک بٹن دباؤ اور ریکارڈ مل جائے۔
مراد علی شاہ کا مزید کہنا تھا کہ اگر مجھے انکوائری کے لیے بلایا گیا تو میں جاؤں گا۔
Facebook Comments
بذریعہ فیس بک تبصرہ تحریر کریں