پنجاب میں انتخابات کیلئے فنڈز کی عدم فراہمی کے معاملے پر سپریم کورٹ نے اٹارنی جنرل اور گورنر اسٹیٹ بینک کو نوٹس جاری کر دیا۔
تفصیلات کے مطابق سپریم کورٹ نے سیکرٹری خزانہ اور سیکرٹری الیکشن کمیشن کو بھی نوٹس جاری کردیا،نوٹس میں کہا گیا ہے کہ الیکشن کمیشن کی رپورٹ کے مطابق وفاقی حکومت نے فنڈز فراہم نہیں کئے،فنڈز کی عدم فراہمی عدالتی احکامات کی حکم عدولی ہے،عدالتی حکم عدولی کے نتائج قانون میں واضح اور سب کو معلوم ہیں۔الیکشن کیلئے فنڈز کی فراہمی توہین عدالت کی کارروائی سے زیادہ اہم ہے،بتایا جائے کہ سپریم کورٹ نے احکامات پر عمل کیوں نہیں کیا گیا۔
چیف جسٹس نے تمام افسران کو 14 اپریل کو چیمبر میں طلب کر لیا،گورنر اسٹیٹ بینک کو دستیاب وسائل سے متعلق تمام تفصیلات بھی ہمراہ لانے کا حکم دیتے ہوئے سیکرٹری خزانہ کو بھی تمام ریکارڈ ساتھ لانے کی ہدایت کردی۔عدالت نے سیکرٹری الیکشن کمیشن کو پنجاب اور خیبرپختونخوا انتخابات کے حوالے سے تمام ریکارڈ بھی فراہم کرنے کا حکم دیدیا ہے۔
Facebook Comments
بذریعہ فیس بک تبصرہ تحریر کریں