نئی دہلی: بھارت کے وزیراعظم نریندر مودی کے بھائی پرا ہلاد مودی بمعہ اہل خانہ کار حادثے میں زخمی ہو گئے ہیں جس کے بعد انہیں اور دیگر افراد کو طبی امداد کے لیے اسپتال منتقل کردیا گیا ہے۔
مؤقر بھارتی نشریاتی ادارے این ڈی ٹی وی کے مطابق حادثہ ریاست کرناٹکا کے شہر میسور میں پیش آیا ہے جس کے باعث ان کی گاڑی کا بھی کافی نقصان ہوا ہے۔
میڈیا رپورٹ کے مطابق گاڑی میں مودی کے بھائی کے ساتھ اہلیہ، بیٹا، بہو اور پوتا بھی موجود تھے جو زخمی ہوئے ہیں۔
پراہلاد کی مرسیڈیز گاڑی باندی پورہ جاتے ہوئے تقریباً دو بجے دوپہر ایک ڈیوائیڈر سے ٹکرائی، جس وقت حادثہ پیش آیا اس وقت گاڑی کے ساتھ پروٹوکول بھی موجود تھا۔
رپورٹ کے مطابق حادثے کی وجہ سے پراہلاد مودی کے پوتے کی ٹانگ میں فریکچر ہوگیا ہے جب کہ دیگر افراد کو معمولی زخم آئے ہیں تاہم سب کو اسپتال منتقل کردیا گیا ہے۔
Facebook Comments
بذریعہ فیس بک تبصرہ تحریر کریں