ٹیسلا کے بانی، دنیا کے امیر ترین شخص اور مریخ پر دنیا بسانے کی بات کرنے والے ایلون مسک نے اپنی زندگی کا فلسفہ بتا دیا۔

ایلون مسک نے ٹوئٹر پر صارفین کو ایک کتاب پڑھنے کا مشورہ دیا ہے، جس کے ساتھ انہوں نے لکھا ہے کہ یہ کتاب ان کی زندگی کے فلسفے سے کافی حد تک ملتی ہے۔

مصنف ولیم میک آسکل کی کتاب’واٹ وی اوو دی فیوچر (What We Owe the Future)‘ زندگی میں انسان کی اخلاقی ترجیحات کو بیان کرتی ہے، ایسی سوچ یا نظریہ جو مستقبل کی زندگی پر مثبت اثرات مرتب کرتا ہو۔

ولیم میک کا کہنا ہے کہ انہیں یہ کتاب لکھنے کی سوچ کورونا وائرس میں قرنطینہ کے دوران تنہائی میں آئی، اس سے وہ اپنے آنے والی نسلوں کو زندگی کے نئے پہلووں سے ملوانا چاہتے ہیں۔