سی پیک پروگرام میں کوئی تیسرا ملک اس کا ہدف نہیں، چین -مکالمہ

سی پیک پروگرام میں کوئی تیسرا ملک اس کا ہدف نہیں، چین

خبریں
20 April 2019ء
یہ تحریر 2242 مرتبہ دیکھی گئی۔

چین کے وزیر خارجہ وانگ ژی نے واضح کیا ہے کہ اربوں ڈالر کی چین پاکستان اقتصادی راہداری معاشی تعاون کا ایک پروگرام ہے اور اس میں کسی تیسرے ملک کو ہدف نہیں بنایا جا رہا۔

آج بیجنگ میں ایک پریس بریفنگ میں انہوںنے کہاکہ بین الاقوامی تعاون کے لئے دوسرا خطہ اور شاہراہ فورم اس ماہ کی 25 سے 27 تاریخ تک بیجنگ میں ہو گا۔

وزیر خارجہ نے کہا کہ سی پیک اربوں ڈالر کی لاگت سے ایک خطہ ایک شاہراہ منصوبے کا اہم حصہ ہے اور یہ بات کئی مواقع پر واضح کی گئی ہے۔

انہوں نے کہا کہ پاکستان، آسٹریا، مصر، اٹلی، نیپال اور لاؤس سمیت کل 37 سربراہان حکومت اور دیگر رہنما فورم میں شرکت کرینگے۔

انہوں نے کہا کہ فرانس، جرمنی، برطانیہ، سپین، جاپان، جنوبی کوریا اور یورپی یونین بھی اس فورم میں اعلیٰ سطحی وفود بھیجیں گے۔

Advertisements

چین کے صدر شی جن پنگ فورم کی افتتاحی تقریب سے کلیدی خطاب کریں گے اور عالمی رہنماؤں کے اعزاز میں عشائیہ دیں گے۔