اسلام آباد: پاکستان تحریک انصاف کی حکومت نے رواں مالی سال کی پہلی سہ ماہی کے دوران غیرملکی بینکوں سے انتالیس کروڑ پچانوے لاکھ ڈالر قرضہ لیا، گذشتہ حکومت کی نسبت اس دوران لئے گئے قرضوں میں ساٹھ کروڑ ڈالر کمی ہوئی۔
حکومت اخراجات میں کمی اور بچت کے راستے پر گامزن ہے، وزارت خزانہ کے مطابق اکتوبر میں غیر ملکی بینکوں سے صرف سولہ کروڑ ڈالر قرضہ لیا، جبکہ مالی سال جولائی سے ستمبر تک انتالیس کروڑ پچانوے لاکھ ڈالر قرضہ لیا گیا۔ گذشتہ حکومت نے اس دوران ایک ارب ڈالر سے زائد قرضہ لیا تھا۔
رواں مالی سال چارماہ میں حکومت کو بجٹ خسارہ پورا کرنے کے لئے بیرونی وسائل سے ایک ارب اٹھاون کروڑ ڈالر موصول ہوئے، گذشتہ حکومت کو اس دوران دو ارب پینتالیس کروڑ ڈالر ملے تھے۔
Facebook Comments
بذریعہ فیس بک تبصرہ تحریر کریں