وفاقی حکومت نے آئندہ مالی سال 2018-19 کے وفاقی بجٹ میں سگریٹ، سیمنٹ اور کاسمیٹکس سمیت دیگر اشیا مہنگی جبکہ کتابیں کاپیاں و سٹیشنری کا دیگر سامان، کھاد اور پولٹری مصنوعات سستی کرنے کا فیصلہ کر لیا ۔ وزارت خزانہ ذرائع کے مطابق آئندہ مالی سال کے وفاقی بجٹ میں ایل این جی کی درآمد اور سپلائی پر عائد سیلز ٹیکس کی شرح میں کمی کرنے کا فیصلہ کیا گیا ہے جبکہ ایل این جی پر عائد ویلیو ایڈیشن ٹیکس بھی ختم کیا جارہا ہے، ڈیری و لائیو سٹاک کو ٹیکس سے چھوٹ دی جارہی ہے جبکہ ڈیری مصنوعات کی درآمد پر عائد ڈیوٹی کی شرح بھی کم کی جارہی ہے، آلو کی درآمد پر عائد سیلز ٹیکس کی شرح بھی صفر کی جارہی ہے۔ کتابوں، کاپیوں، پنسلوں سمیت دیگر سٹیشنری اشیا پر عائد سیلز ٹیکس کی شرح بھی صفر کرنے کا فیصلہ کیا گیا ہے، فرٹیلائزر پر عائد جنرل سیلز ٹیکس کی شرح بھی کم کی جارہی ہے۔
Facebook Comments
بذریعہ فیس بک تبصرہ تحریر کریں