ملائیشیا سے تعلق رکھنے والے سانپوں کے بادشاہ ابو زرین حسین کوبرا کے ڈسنے سے جاں بحق ہوگئے۔

ابو زرین کو پیر کے روز ایک شو کے دوران کرتب دکھاتے ہوئے کوبرا سانپ نے ڈسا تھا۔ابو زرین کو سانپوں کی دنیا کا بے تاج بادشاہ کہا جاتا تھا، ان کی عمر محض 33 سال تھی۔سیلنگر فائر اینڈ ریسکیو ڈیپارٹمنٹ کے اسسٹنٹ ڈائریکٹر محمد سنی ہارول نے ابو زرین کی موت کی تصدیق کردی ہے۔

Advertisements

محمد سنی نے بتایا کہ ابو زرین کو کوبرا نے پیر کے روز ڈسا تھا جس کے بعد انہیں سلطان حاجی احمد شاہ ہسپتال منتقل کیا گیا تھا۔ابو زرین ایک انتہائی ماہر کرتب باز تھے، انہوں نے ایشیاء گوٹ ٹیلنٹ میں بھی اپنے فن کا مظاہرہ کیا۔