“لا غالب إلا الله” … ان الفاظ کے ساتھ فلسطینی فنکارہ دلال ابو آمنہ نے غزہ میں ہونے والے واقعات پر متاثرین سے یکجہتی کا اظہار کیا تو اسرائیلی شہر الناصرہ کی مجسٹریٹ عدالت نے ان کی گرفتاری کی مدت میں توسیع کر دی۔

دلال ابو آمنہ کی وکیل عبیر بکر نے بتایا کہ ان کی مؤکلہ سے ابھی تک تفتیش جاری ہے۔ آخری اطلاعات آنے تک ان سے متعلق کوئی باقاعدہ سرکاری اعلان سامنے نہیں آیا ہے۔

Advertisements

عبیر بکر کے بقول فنکارہ دلال کو فیس بک پر “لا غالب إلا الله” کے الفاظ میں سٹیس لگانے پر مزید تفتیش کے لیے حراست میں لیا گیا۔ یہ سٹیٹس دلال کے سوشل میڈیا اکاؤنٹ مینجمنٹ سٹاف نے گذشتہ سنیچر کو لگایا تھا۔