حماس کے ترجمان نےکہا کہ ہمارے پاس اسرائیلی جنگی قیدیوں کی تعداد درجنوں سے کئی گنا زیادہ ہے۔ انہوں نے کہا کہ ہمارے پاس قیدیوں کی تعداد اسرائیلی خیال سے کئی گنا زیادہ ہے۔
قبل ازیں ہفتے کے روز حماس کے ترجمان حازم قاسم نے بتایا تھا کہ اسرائیل کے ساتھ جنگ اپنے آغاز پر ہے۔ اسرائیل کی جیلوں میں قیدیوں کا معاملہ ختم ہونا چاہیے۔
حماس کے ترجمان نے مزید کہا کہ آپریشن کی منصوبہ بندی کی گئی تھی۔ انہوں نے کہا دراندازی اور میزائل حملوں کے ساتھ اس آپریشن کے بڑے اہداف حاصل کرلئے گئے ہیں۔ حازم قاسم نے نشاندہی کی کہ غزہ کے گردونواح کے متعدد علاقوں میں آپریشن اب بھی جاری ہے۔ حماس ترجمان نے العربیہ کو بتایا کہ ہمارے پاس جنگ کے سوا کوئی چارہ نہیں ہے۔ ہم تمام حالات کے لیے تیار تھے۔ ہم اسرائیل کا مقابلہ کرنے کی صلاحیت رکھتے تھے۔
Facebook Comments
بذریعہ فیس بک تبصرہ تحریر کریں