بِہار حکومت کی جانب سے کاسٹ سروے کے نتائج نے مودی حکومت کا کچا چٹھا کھول دیا۔
دی وائر کی رپورٹ کے مطابق مودی سرکار کی بِہار حکومت کو نتائج پبلک کرنے سے روکنے کے لیے پرزور کوششیں ناکام ہوگئیں۔ این ڈی ٹی وی نے بتایا ہے کہ بِہار حکومت کے سروے کے مطابق صوبے میں 80 فیصد سے زائد عوام کا تعلق نچلی ذاتوں سے ہے۔
دی وائر کی رپورٹ کے مطابق بھارتی حکومت میں نچلی ذات والوں کی نمائندگی نہ ہونے کے برابر ہے۔ٹائمز آف انڈیا کے مطابق بِہار حکومت نے ایک ماہ میں وسائل کی تقسیم سے متعلق سروے کے نتائج نشر کرنے کا اعلان بھی کیا۔
دی وائر میں کہا گیا ہے کہ مودی سرکار سروے کے نتائج سے خوفزدہ ہوکر شدید کشمکش کا شکار ہے۔ ٹائمز آف انڈیا نے رپورٹ کیا کہ سروے کے نتائج بھارتی انتخابات میں مودی کی ہار کی بڑی وجہ ثابت ہوں گے۔
ہندوستان ٹائمز کی رپورٹ کے مطابق سروے کے نتائج پبلک نہ کرنے کے لیے مودی سرکار کی درخواست پر سپریم کورٹ نے فیصلہ سنا دیا۔ بھارتی سپریم کورٹ کا کہنا ہے کہ ہم کسی حکومت کو فیصلہ کرنے سے نہیں روکیں گے اور سروے کے نتائج پبلک کرنے پر بھی آئینی طور پر کوئی پابندی عائد نہیں کی جاسکتی۔
Facebook Comments
بذریعہ فیس بک تبصرہ تحریر کریں