چیئرمین تحریک انصاف عمران خان کاکہنا ہے کہ تمام لوگ بھی ان کا ساتھ چھوڑ جائیں پھر بھی وہ جس کو پی ٹی آئی کا ٹکٹ دیں گے وہی الیکشن جیتے گا۔

ویڈیولنک خطاب میں سابق وزیراعظم عمران خان کاکہنا تھا کہ آج تحریک انصاف کی تقریباَ ساری لیڈر شپ جیل میں ہے اور بدقسمتی سے میڈیا اور انسانی حقوق کی آوازیں خاموش ہیں، تحریک انصاف کیخلاف بدترین بربریت جاری ہے آج دس ہزار سے زائد کارکنان جیلوں میں ہیں، قوم سے کہتا ہوں یہ بُرا وقت ہے اور اللہ کا ایک نظام ہے، اس میں ہمیں صبر کرنا چاہیے، قوموں کی زندگیوں میں پرمشکل وقت آتے ہیں اس سے دلبرداشتہ نہیں ہونا، اس طرح کی غلامی اور یزیدیت کو قبول کرنے سے مرجانا بہتر ہے، یہ گلا دبا کر کہلوا رہے ہیں کہ تحریک انصاف چھوڑ رہا ہوں، جو قوم خوف کے بت کے آگے جھک جائے وہ کبھی آزاد نہیں ہوسکتے

عمران خان کا مزید کہنا تھاکہ میں سلام پیش کرتا ہوں لیڈر شپ کو جو تحریک انصاف کے ساتھ کھڑے ہیں، ان پر بہت زیادہ پریشر ہے۔ آپ کے کپتان کے اندر جب تک خون ہے وہ کھڑا ہے، ہار ماننے کا سوال ہی پیدا نہیں ہوتا، جو یہ کریں گے اس کیلئے تیار ہوں۔

عمران خان نے اعلیٰ عدلیہ سے اپیل کی کہ “معزز ججز صاحبان اللہ جن لوگوں کو ذمہ داری دیتا ہے اُن پر امتحان بھی بڑا ڈالتا ہے، یہ آپ کی ذمہ داری ہے کہ رہی سہی جمہوریت بچائیں، ہمیں اس وقت کوئی اور اُمید نظر نہیں آرہی۔

سابق وزیراعظم کا کہنا تھا کہ القادر یونیورسٹی بنانے کا مقصد تھا کہ سیرت النبی ﷺ پر ریسرچ کریں ۔بیوی بشری ٰ بی بی کو بغیر تنخواہ کے ٹرسٹی بنایا۔ایک روپے کا فائدہ نہ نمل یونیورسٹی سے ہوا نہ شوکت خانم اور نہ ہی القادر سے ہوا ۔جبکہ نیب نے کہا کہ مجھے خود ذاتی فائدہ ہوا ۔جیسے میری سیاست چمک گئی ہو۔ساڑھے 4گھنٹے نیب میں بیٹھا کر پوچھتے رہے کہ آپ کو اس سے بہت فائدہ ہوا ۔ملک ریاض کو اس لئے شامل کیا کہ ملک کا بڑا بلڈرز تھا مقصد یہی تھا کہ یونیورسٹی جلد قائم ہوں۔ہر سال 9ارب روپے شوکت خانم میں اکٹھا ہوتا ہے کیاوہ میری ذات کیلئے تھا ۔