کویت میں بھارتی شہری نے بیوی کو ذبح کرکے خود کشی کرلی۔

عرب میڈیا کے مطابق کویت کے علاقے السالمیہ میں واقعہ پیش آیا۔ کویتی وزارت داخلہ کو شہریوں نے ایک شخص کے عمارت سے چھلانگ لگانے کی اطلاع دی تھی۔ خود کشی کرنے والا شخص پیرا میڈک تھا اور اس کی بیوی نرس تھی۔

Advertisements

سیکورٹی اہلکارفلیٹ کا دروازہ توڑ کراندر پہنچے تو ایک خاتون تشویشناک حالت میں موجود تھیں اور ان کے قریب ایک چاقو پڑا تھا۔ خاتون زخموں کی تاب نہ لا کر کے دم توڑ گئیں۔ ابتدائی تحقیقات کے مطابق واردات سے قبل فلیٹ سے جھگڑے کی آوازیں آرہی تھیں۔ میاں بیوی کے درمیان متعدد مسائل پر اختلافات تھے۔