حکومت پنجاب کا بڑا فیصلہ۔ سرکاری محکموں کی طرف سے افطار پارٹیوں پر پابندی عائد کردی۔

تفصیلات کے مطابق پنجاب کی نگران حکومت نے رمضان کے مقدس مہینے کے دوران سرکاری محکموں کی طرف سے افطار پارٹیوں کا اہتمام کرنے پر پابندی عائد کردی۔

پنجاب کی نگران حکومت کی جانب سے اعلی حکام کو سرکاری محکموں کی طرف سے افطار پارٹیوں پر پابندی کا مراسلہ جاری کردیا گیا ہے ، مراسلے میں عوامی پیسے کے استعمال میں انتہائی سادگی اختیار کرنے کی ہدایت کی گئی ہے۔

Advertisements

مراسلے میں کہا گیا ہے کہ مہمانوں یا سرکاری محکموں کے وفود کو سرکاری تحائف نہیں دیے جائیں گے جبکہ پاکستان کے دورہ پر آنے والے غیر ملکی وفود اور مہمان اس پابندی سے مستثنیٰ ہوں گے۔