امریکا میں موسم سرما کے دوران برفانی طوفان کی تباہ کاریاں جاری ہیں جس سے ہلاکتوں کی تعداد50سےتجاوزکرگئی۔

غیر ملکی خبر ایجنسی کے مطابق امریکا میں 2 لاکھ سے زائد شہری تاحال بجلی سے محروم ہیں جب کہ اب بھی 10 ہزار سے زیادہ پروازیں منسوخ ہیں اور ہزاروں تاخیر کا شکار ہیں۔

نیو یارک کے شہر بفیلو شہر میں صورتحال تشویشناک ہے اور اب تک8 فٹ برف پڑ چکی ہے جب کہ لوگوں کا کرسمس پر سفر مشکل ہوگیا۔

امدادی کاموں کے لیے 200 نیشنل گارڈز تعینات کیے گئے ہیں اور ایمر جنسی سروسز بھی شدید متاثرہ علاقوں تک پہنچنے میں ناکام ہیں۔

امریکی ریاست مونٹانا میں درجہ حرارت منفی 45 ڈگری تک گر گیا ہے اور ریاست مشی گن کے ساحل پر برف ہی برف ہے جب کہ پارک میں لگے جھولے برف کے مجسموں میں ڈھل گئے۔

اونٹاریو اور کیوبک میں لاکھوں افراد بجلی سے محروم ہیں، ٹو رنٹو اور اوٹاوا کے درمیان مسافر ٹرین بند ہے اور بڑے شہروں میں پروازیں معطل ہی، سڑکوں کی صورتحال بھی انتہائی خراب ہے۔

ادھر مغربی کینیڈا کے ہائی وے پر مسافر بس کو حادثہ پیش آیا جس میں4 افراد ہلاک اور 50 زخمی ہوگئے۔

امریکی ریاست مشی گن کے ساحل پر برف ہی برف جمی ہے۔ اوکلوہاما میں نلوں سے گرنے والا پانی جم گیا۔ اوہائیو میں 50 سے زائد گاڑیاں ٹکراگئیں۔

Advertisements

جاپان میں برفانی طوفان سے مختلف حادثات میں 17 افراد ہلاک جبکہ 100 کے قریب زخمی ہیں۔ ہزاروں گھر بجلی سے محروم ہوگئے۔