پاکستان تحریک انصاف (پی ٹی آئی) کے حقیقی آزادی مارچ نے مریدکے میں پڑاؤ کا فیصلہ کیا ہے، جبکہ عمران خان انتہائی اہم ملاقات کیلئے مارچ چھوڑ کر زمان پارک لاہور روانہ ہوگئے ہیں۔

گوجرانوالہ کی جانب گامزن قافلہ رچنا ٹاؤن پہنچا تو عمران خان نامعلوم مقام پر روانہ ہوگئے۔

تحریک انصاف کے رہنما اسد عمر کا کہنا ہے کہ آپ دیکھ رہے ہیں کہ کیا حالات ہورہے ہیں، عمران خان کو ایک اہم ملاقات کیلئے جانا پڑا ہے، انہوں نے ہدایت کی ہے کہ کل ساڑھے 11 بجے مریدکے پہنچیں۔

فواد چوہدری نے مارچ کے شرکاء کو مخاطب کرتے ہوئے اطلاع دی تھی کہ آج کا مارچ ابھی ختم ہو رہا ہے، جو کل 11 بجے صبح مریدکے سے دوبارہ شروع ہوگا۔

Advertisements

دوسری جانب کارکنان تاحال پرجوش ہیں اور کہتے ہیں کہ عمران خان جب بھی بلائے گا ہم ضرور شامل ہوں گے۔ عمران خان کی اہم ملاقات ضرور ملک اور قوم کیلئے بہتر ہوگی۔