کراچی میں بلدیاتی انتخابات پھر ملتوی

اسلام آباد: الیکشن کمیشن نے کراچی ڈویژن میں بلدیاتی انتخابات مؤخر کرنے کا اعلان کر دیا۔

الیکشن کمیشن نے اندرون سندھ کے بعد کراچی میں بھی دوسرے مرحلے کے بلدیاتی انتخابات ایک بار پھر ملتوی کر دیئے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

الیکشن کمیشن کے مرکزی دفتر میں چیف الیکشن کمشنر سکندر سلطان راجہ کی سربراہی میں کراچی میں بلدیاتی انتخابات کرانے سے متعلق اہم اجلاس ہوا جس میں کراچی میں موسم کی صورتحال اور بلدیاتی الیکشن کے امور کا جائزہ لیا گیا۔

الیکشن کمیشن نے کہا کہ نئی تاریخ کا اعلان موسم کی صورتحال بہتر ہونے کے بعد کیا جائے گا۔

سیکرٹری الیکشن کمیشن نے سندھ میں بلدیاتی انتخابات کے دوسرا مرحلہ کے انعقاد پر بریفنگ دیتے ہوئے کہا کہ محکمہ موسمیات کے مطابق کراچی میں 24 تا 26 اگست شدید بارشیں ہیں جبکہ 27 اور 28 اگست کو بھی ہونے کا امکان ہے اور ان بارشوں کے اثرات انتخابات کے دن بھی پڑیں گے۔

انہوں نے کہا کہ انتظامیہ، پولیس اور دیگر سکیورٹی ادارے متاثرین کی امدادی کا رروائیوں میں مصروف ہیں اور امدادی کارروائیوں کے دوران امن وامان کے لیے بھی فورس کی ضرورت ہے۔ ان حالات میں پولیس کی نقل و حمل ممکن نہیں ہے۔

بریفنگ میں کہا گیا کہ تقریباً 50 ہزار پولیس نفری کراچی ڈویژن کے انتخابات کے لیے متعین کی گئی تھی جس میں سے 33 ہزار کراچی میں موجود تھی جبکہ باقی 16 ہزار نفری اندرون سندھ سے منگوانی تھی۔ نفری کی تعیناتی انتخابات کے پرامن انعقاد کے لیے اشد ضروری ہے۔

انہوں نے کہا کہ دیگر قانون نافذ کرنے والے اداروں کو انتہائی حساس پولنگ اسٹیشنوں پر ڈیوٹیاں دینی تھیں جبکہ پاک فوج نے بطور تھرڈ ٹائر سپورٹ دینی تھی لیکن وہ بھی اب امدادی کارروائیوں میں مصروف ہیں۔ رینجرز اور پاک فوج کی مذکورہ انتخابات کے دوران دستیابی بھی ممکن نہیں ہو گی۔

کراچی میں بلدیاتی انتخابات بارشوں اور سیلابی صورتحال کے باعث ملتوی کیے گئے ہیں جبکہ اس سے قبل حیدرآباد میں بھی بلدیاتی انتخابات ملتوی کر دیئے گئے تھے۔

Advertisements
julia rana solicitors london

واضح رہے کہ کراچی، حیدرآباد اور ٹھٹھہ ڈویژن میں بلدیاتی انتخابات 28 اگست کو ہونے تھے

  • julia rana solicitors london
  • merkit.pk
  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply