راولپنڈی(نمائندہ خصوصی) پاک فوج نے اسلام آبادمیں طلبی کے نوٹی فکیشن پر وزارت داخلہ کو جوابی مراسلہ ارسال کیا ہے ۔چند امور کی وضاحت کو کہا گیا ہے۔ عسکری حکام کی جانب سے کہا گیا کہ پاک فوج تفویض کردہ ذمہ داری ادا کرنے کے لئے تیار ہے۔ سول حکومت کی مدد پاک فوج کی آئینی ذمہ داری ہے۔ پولیس نے اپنی بھرپور اہلیت سے کام نہیں کیا۔ پولیس کے ساتھ رینجرز موجود تھی لیکن رینجرز کو تحریری احکامات کیوں نہیں دئیے گئے؟ جوابی مراسلے میں یہ بھی کیا گیا کہ مظاہرین کو منتشر کرنے کے لئے روایتی طور پر فوج استعمال نہیں کی جاتی۔ واضح رہے کہ وزارت داخلہ نے فوج کو غیر معینہ مدت کے لئے طلب کرنے کا نوٹی فکیشن جاری کیا تھا تاہم فوج کی تعیناتی تاحال عمل میں نہیں آئی۔
Facebook Comments
بذریعہ فیس بک تبصرہ تحریر کریں