ہربھجن سنگھ بھارتی کرکٹ ٹیم کے کھلاڑیوں کے حق میں بول پڑے۔
پاکستان کے بعد نیوزی لینڈ سے بھی میچ ہارنے پر بھارتی شائقین کرکٹ اور بھارتی میڈیا اپنی کرکٹ ٹیم اور کھلاڑیوں کو زبردست تنقید کا نشانہ بنا رہے ہیں۔ ایسے میں سابق بھارتی کرکٹر ہربھجن سنگھ تنقید سے تنگ آ کر بول پڑے۔
انہوں نے اپنی ٹیم کی حمایت میں سوشل میڈیا ویب سائٹ ٹوئٹر پر ایک پیغام میں کہا ہے کہ ہمیں اپنے کھلاڑیوں کے ساتھ سخت رویہ نہیں اپنانا چاہیے۔
ان کا کہنا ہے ہماری کرکٹ ٹیم اپنے اچھے کھیل کی وجہ سے پہچانی جاتی ہے لیکن شکست پر ان کے ساتھ ایسا رویہ اختیار کرنا انصاف نہیں ہے۔
انہوں نے کہا کہ شکست کے بعد سب سے زیادہ تکلیف کھلاڑیوں کو ہی ہوتی ہے۔
Advertisements
انہوں نے اپنی ٹویٹ میں نیوزی لینڈ ٹیم کی تعریف بھی کی اور کہا۔ نیوزی لینڈ کی ٹیم نے ہر فیلڈ میں زبردست پرفارمنس دی۔
Facebook Comments
بذریعہ فیس بک تبصرہ تحریر کریں