چلو دفنا ہی آتے ہیں
چلو دفنا ہی آتے ہیں
محبت کے حسیں
لاشے کو
صدیوں سے پڑا
سڑتا ہے۔۔۔۔
چوراہے ۔۔پہ
اب بھی ، جو۔۔۔
یہ چوراہا کہ جس کے
سارے رستوں پر
فقط اک لوبھ ، لالچ اور
طمع کی ٹریفک کا
بڑا گھمسان کا رش ہے
ہونق۔۔۔زرد رو۔۔چہرے
عجب سی منحنی ،
مدقوق روحیں جو۔
بڑی تیزی سے جانے کس طرف؟
سرپٹ چلی جاتی ہیں ، کچھ ایسے
کہ۔۔۔رستے میں پڑا۔۔۔
گلتا ہوا یہ، عشق کا لاشہ
کسی کو بھی نہیں دکھتا۔۔
یہاں تک کہ۔۔۔
گدھوں کے غول بھی
اس پر جھپٹنے سے
گریزاں ہیں
Facebook Comments
بذریعہ فیس بک تبصرہ تحریر کریں