بھارتی فوج کو جموں لے جانے والی ٹرین میں دھماکا
بھارتی ریاست چھتیس گڑھ میں رائے پور ریلوے اسٹیشن پر بھارتی فورسز کیلئے مخصوص ٹرین میں دھماکا ہوا ہے
دھماکے کے نتیجے میں بھارتی سی آر پی ایف کے 6 اہلکار زخمی ہو گئے ہیں جنہیں طبی امداد کے لئے ہسپتال منتقل کر دیا گیا ہے، ریلوے اور سی آر پی ایف افسران سے ملنے والی معلومات کے مطابق ایک اسپیشل ٹرین سی آر پی ایف کی 211 بٹالین کے جوانوں کو لے کر جموں جا رہی تھی صبح تقریباً ساڑھے چھ بجے پلیٹ فارم نمبر 2 پر کھڑی ٹرین کی ایک بوگی میں اچانک دھماکہ ہو گیا جس کے بعد افرا تفری پھیل گئی،
بھارتی میڈیا کے مطابق اچانک دھماکے سے ریلوے سٹیشن پر بھگدڑ مچ گئی، بھارتی سیکورٹی حکام کا کہنا ہے کہ دھماکے کی تحقیقات کر رہے ہیں، یوں لگ رہا ہے کہ سیکورٹی فورسز ہی نشانہ تھیں،دھماکے کے نتیجے میں سی آر پی ایف کے جوان چون، وکاس، لکشمن، رمیش لال، رویندر کر، سشیل اور دنیش کمار زخمی ہوئے جنہیں مقامی ہسپتال منتقل کر دیا گیا، ہسپتال سے ملنے والی رپورٹ کے مطابق زخمیوں میں حولدار وکاس چوہان کو سب سے زیادہ چوٹیں آئی ہیں اور اسکی حالت تشویشناک ہے
Facebook Comments
بذریعہ فیس بک تبصرہ تحریر کریں