• صفحہ اول
  • /
  • خبریں
  • /
  • وبائی امراض کے کنٹرول میں بہترین کارکردگی: پاکستان کیلئے بین الاقوامی ایوارڈ

وبائی امراض کے کنٹرول میں بہترین کارکردگی: پاکستان کیلئے بین الاقوامی ایوارڈ

قومی ادارہ صحت اسلام آباد کو وبائی امراض کے کنٹرول اور ایمرجنسی رسپانس کے شعبے میں بہترین کردار ادا کرنے پر ڈائریکٹرز ایوارڈ سے نوازا گیا ہے۔

یہ ایوارڈ  این آئی ایچ کو فیلڈ ایپیڈیمیالوجی ٹریننگ پروگرام کی بین الاقوامی کانفرنس 2021، میں دیا گیا۔

tripako tours pakistan

ڈائریکٹرز ایوارڈ برائے ایکسی لینس ان ممالک کے لیے ایک اعلیٰ کامیابی تصور کیا جاتا ہے جو پبلک ہیلتھ کو بہتر کرنے اور وبائی امراض کی روک تھام کے لئے بر سر پیکار ہیں۔

یہ ایوارڈ ایپیڈیمیالوجی ریسرچ میں مہارت اورصحت عامہ کے مسائل کو حل کرنے کے اعتراف میں دیا جاتا ہے۔

ایپیڈیمیالوجی ٹریننگ پروگرام کی بین الاقوامی کانفرنس میں خطاب کرتے ہوئے قومی ادارہ صحت کے ایگزیکٹو ڈائریکٹر پروفیسر عامر اکرام کا کہنا تھا کہ اس وقت پوری دنیا میں 82 فیلڈ ایپیڈیمیالوجی ٹریننگ پروگرام کام کر رہے ہیں اور یہ انتہائی خوشی کی بات ہے کہ ان میں سے پاکستان کے ٹریننگ پروگرام کو ایک بہترین پروگرام تسلیم کیا گیا ہے۔

انہوں نے پروگرام کےٹیم ممبران کی زبردست کارکردگی کی تعریف کی اوراس کامیابی پر انہیں مبارکباد دی۔

Advertisements
merkit.pk

قومی ادارہ صحت کا فیلڈ ایپیڈیمیالوجی ٹریننگ پروگرام وبائی امرض کی بروقت تشخیص اور ان سے نمٹنے کے لئے موثر نگرانی کا نظام قائم کرنے کے لئے نہ صرف تمام صوبوں کے ساتھ کام کررہا ہے بلکہ اس حوالے سے صوبوں کی استعداد کار بڑھانے کے لئے رہنمائی بھی فراہم کر رہا ہے اور طب کے شعبے میں اس پروگرام کی سائنسی تحقیقات بیماریوں کے کنٹرول میں بہت معاون ثابت ہوئی ہے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply