• صفحہ اول
  • /
  • خبریں
  • /
  • مہوش حیات نے پاکستان کا وزیر اعظم بننے کی خواہش ظاہر کر دی

مہوش حیات نے پاکستان کا وزیر اعظم بننے کی خواہش ظاہر کر دی

کراچی: پاکستان کی معروف اداکارہ مہوش حیات نے پاکستان کی وزیر اعظم بننے کی خواہش کا اظہار کر دیا۔

پاکستان کی معروف اداکارہ اور تمغہ امتیاز کی حامل مہوش حیات نے اپنے ایک انٹرویو میں وزیر اعظم بننے کی خواہش ظاہر کی۔ انہوں نے کہا کہ جب ایک کرکٹر ملک کا وزیر اعظم بن سکتا ہے تو ایک اداکارہ کیوں نہیں بن سکتی۔

مہوش حیات نے کہا کہ مجھے سیاست میں بہت دلچسپی ہوگئی ہے۔ میرا ارادہ ملک میں بہتری لانے کا ہے اب وہ پارلیمانی طریقے سے آتی ہے یا اپنی پارٹی بنانے سے آتی ہے یہ تو وقت بتائے گا۔

انہوں نے کہا کہ پاکستان تحریک انصاف (پی ٹی آئی) کی سیاست سے اس لیے متاثر ہوں کیونکہ وہ نہ صرف کافی تبدیلی لائے ہیں بلکہ اس کے ساتھ ساتھ ایک نئی سوچ کے ساتھ آئے ہیں۔

Advertisements
julia rana solicitors london

اداکارہ مہوش حیات نے کہا کہ میں عمران خان کو چیلنج نہیں کر رہی لیکن آگے جا کر ان کی جگہ کسی نے تو لینی ہے تو میں بھی وزیر اعظم کی امیدوار بن سکتی ہوں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply