پیپلزپارٹی کے رکن قومی اسمبلی ایڈووکیٹ قادرمندوخیل نے وزیراعلیٰ پنجاب کی معاون خصوصی فردوس عاشق اعوان کو ہتک عزت کا قانونی نوٹس بھیج دیا۔
رہنما پی پی کی جانب سے بھیجے گئے نوٹس میں کہا گیا ہے کہ فردوس عاشق اعوان نے لائیو ٹی وی پروگرام کے دوران منتخب نمائندے کو تھپڑا مارا اور گھٹیا زبان استعمال کی۔
نوٹس کے متن میں مزید کہا گیا ہے کہ دوران گفتگو فردوس عاشق اعوان نے قادر مندوخیل پر من گھڑت الزامات لگائے جب انہیں ان کی حکومت کی کرپشن دکھائی گئی تو وہ اس پر آپے سے باہر ہو گئیں اور قادر مندوخیل سے دست درازی کرتے ہوئے انہیں تھپڑ مار دیا۔
قادر مندوخیل کی جانب سے بھیجے گئے نوٹس میں مطالبہ کیا گیا ہے کہ فردوس عاشق اعوان 7 روز میں اپنے کیے پر تحریری معافی مانگیں ورنہ 58 ارب روپے کا ہرجانہ ادا کریں۔ مزید یہ کہ معاون خصوصی وزیراعلیٰ پنجاب کا معافی نامہ پرنٹ اور الیکٹرانک میڈیا پر بھی شائع اور نشر کیا جائے۔
Advertisements
یاد رہے کہ کچھ عرصہ قبل معاون خصوصی وزیر اعلیٰ پنجاب فردوس عاشق اعوان اور رکن قومی اسمبلی قادر مندوخیل کے درمیان ایکسپریس نیوز کے پروگرام کل تک میں بحث و مباحثہ ہوا اور بات تلخ کلامی سے ہاتھا پائی تک جا پہنچی تھی۔ فردوس عاشق اعوان نے انہیں تھپڑ جڑ دیا جس پر اب رہنما پی پی نے انہیں ہرجانے کا نوٹس بھیجا ہے۔
Facebook Comments
بذریعہ فیس بک تبصرہ تحریر کریں