ﺟﮩﺎﮞ ﺯﺍﺩ، ﻧﯿﭽﮯ ﮔﻠﯽ ﻣﯿﮟ ﺗﺮﮮ ﺩﺭ ﮐﮯ ﺁﮔﮯ
ﯾﮧ ﻣﯿﮟ ﺳﻮﺧﺘﮧ ﺳﺮ ﺣﺴﻦ ﮐﻮﺯﮦ ﮔﺮ ﮨﻮﮞ!
ﺗﺠﮭﮯ ﺻﺒﺢ ﺑﺎﺯﺍﺭ ﻣﯿﮟ ﺑﻮﮌﮬﮯ ﻋﻄّﺎﺭ
ﯾﻮﺳﻒ
ﮐﯽ ﺩﮐّﺎﻥ ﭘﺮ ﻣﯿﮟ ﻧﮯ ﺩﯾﮑﮭﺎ
ﺗﻮ ﺗﯿﺮﯼ ﻧﮕﺎﮨﻮﮞ ﻣﯿﮟ ﻭﮦ ﺗﺎﺑﻨﺎﮐﯽ ﺗﮭﯽ
ﻣﯿﮟ ﺟﺲ ﮐﯽ ﺣﺴﺮﺕ ﻣﯿﮟ ﻧﻮ ﺳﺎﻝ ﺩﯾﻮﺍﻧﮧ ﭘﮭﺮﺗﺎ ﺭﮨﺎ ﮨﻮﮞ
ﺟﮩﺎﮞ ﺯﺍﺩ،
ﻧﻮ ﺳﺎﻝ ﺩﯾﻮﺍﻧﮧ ﭘﮭﺮﺗﺎ ﺭﮨﺎ ﮨﻮﮞ!
ﯾﮧ ﻭﮦ ﺩﻭﺭ ﺗﮭﺎ ﺟﺲ ﻣﯿﮟ ﻣﯿﮟ ﻧﮯ ﮐﺒﮭﯽ
ﺍﭘﻨﮯ ﺭﻧﺠﻮﺭ ﮐﻮﺯﻭﮞ ﮐﯽ ﺟﺎﻧﺐ ﭘﻠﭧ ﮐﺮ ﻧﮧ ﺩﯾﮑﮭﺎ ۔۔۔۔۔۔۔۔۔۔
ﻭﮦ ﮐﻮﺯﮮ ﻣﺮﮮ ﺩﺳﺖ ﭼﺎﺑﮏ ﮐﮯ ﭘﺘﻠﮯ
ﮔﻞ ﻭ ﺭﻧﮓ ﻭ ﺭﻭﻏﻦ ﮐﯽ ﻣﺨﻠﻮﻕ ﺑﮯ ﺟﺎﮞ
ﻭﮦ ﺳﺮ ﮔﻮﺷﯿﻮﮞ ﻣﯿﮟ ﯾﮧ ﮐﮩﺘﮯ ”
ﺣﺴﻦ ﮐﻮﺯﮦ ﮔﺮ
ﺍﺏ ﮐﮩﺎﮞ ﮬﮯ ﻭﮦ ﮨﻢ ﺳﮯ
ﺧﻮﺩ ﺍﭘﻨﮯ ﻋﻤﻞ ﺳﮯ
ﺧﺪﺍﻭﻧﺪ ﺑﻦ ﮐﺮ
ﺧﺪﺍﺅﮞ ﮐﮯ ﻣﺎﻧﻨﺪ ﮨﮯ ﺭﻭﺋﮯ ﮔﺮﺩﺍﮞ”!
ﺟﮩﺎﮞ ﺯﺍﺩ ﻧﻮ ﺳﺎﻝ ﮐﺎ ﺩﻭﺭ ﯾﻮﮞ ﻣﺠﮫ ﭘﮧ ﮔﺰﺭﺍ
ﮐﮧ ﺟﯿﺴﮯ ﮐﺴﯽ ﺷﮩﺮ ﻣﺪﻓﻮﻥ ﭘﺮ ﻭﻗﺖ ﮔﺰﺭﮮ
ﺗﻐﺎﺭﻭﮞ ﻣﯿﮟ ﻣﭩﯽ ﮐﺒﮭﯽ ﺟﺲ ﮐﯽ
ﺧﻮﺷﺒﻮ ﺳﮯ ﻭﺍﺭﻓﺘﮧ ﮨﻮﺗﺎ ﺗﮭﺎ ﻣﯿﮟ
ﺳﻨﮓ ﺑﺴﺘﮧ ﭘﮍﯼ ﺗﮭﯽ
ﺻﺮﺍﺣﯽ ﻭ ﻣﯿﻨﺎ ﻭ ﺟﺎﻡ ﻭ ﺳﺒﻮ
ﺍﻭﺭ ﻓﺎﻧﻮﺱ ﻭ ﮔﻠﺪﺍﮞ ﻣﺮﯼ ﮨﯿﭻ ﻣﺎﯾﮧ
ﻣﻌﯿﺸﺖ ﮐﮯ، ﺍﻇﮩﺎﺭ ﻓﻦ ﮐﮯ ﺳﮩﺎﺭﮮ
ﺷﮑﺴﺘﮧ ﭘﮍﮮ ﺗﮭﮯ
ﻣﯿﮟ ﺧﻮﺩ، ﻣﯿﮟ ﺣﺴﻦ ﮐﻮﺯﮦ ﮔﺮ ﭘﺎ ﺑﮧ ﮔِﻞ
ﺧﺎﮎ ﺑﺮ ﺳﺮ ﺑﺮﮨﻨﮧ
ﺳﺮ ﭼﺎﮎﮊﻭﻟﯿﺪﮦ ﻣﻮ، ﺳﺮ ﺑﺰﺍﻧﻮ
ﮐﺴﯽ ﻏﻤﺰﺩﮦ ﺩﯾﻮﺗﺎ ﮐﯽ ﻃﺮﺡ
ﻭﺍﮨﻤﮧ ﮐﮯ ﮔﻞ ﻭ ﻻ ﺳﮯ ﺧﻮﺍﺑﻮﮞ ﮐﮯ
ﺳﯿّﺎﻝ ﮐﻮﺯﮮ ﺑﻨﺎﺗﺎ ﺭﮨﺎ ﺗﮭﺎ
ﺟﮩﺎﮞ ﺯﺍﺩ، ﻧﻮ ﺳﺎﻝ ﭘﮩﻠﮯ
ﺗﻮ ﻧﺎﺩﺍﮞ ﺗﮭﯽ ،ﻟﯿﮑﻦ ﺗﺠﮭﮯ ﯾﮧ ﺧﺒﺮ ﺗﮭﯽ
ﮐﮧ ﻣﯿﮟ ﻧﮯ ، ﺣﺴﻦ ﮐﻮﺯﮦ ﮔﺮ ﻧﮯ
ﺗﺮﯼ ﻗﺎﻑ ﮐﯽ ﺳﯽ ﺍﻓﻖ ﺗﺎﺏ ﺁﻧﮑﮭﻮﮞ
ﻣﯿﮟ ﺩﯾﮑﮭﯽ ﮬﮯ ﻭﮦ ﺗﺎﺑﻨﺎﮐﯽ ﮐﮧ
ﺟﺲ ﺳﮯ ﻣﺮﮮ ﺟﺴﻢ ﻭ ﺟﺎﮞ ،
ﺍﺑﺮﻭ ﻣﮩﺘﺎﺏ ﮐﺎ ﺭﮨﮕﺰﺭ ﺑﻦ ﮔﺌﮯ ﺗﮭﮯ
ﺟﮩﺎﮞ ﺯﺍﺩ ﺑﻐﺪﺍﺩ ﮐﯽ ﺧﻮﺍﺏ ﮔﻮﮞ ﺭﺍﺕ
ﻭﮦ ﺭﻭﺩ ﺩﺟﻠﮧ ﮐﺎ ﺳﺎﺣﻞ ﻭﮦ ﮐﺸﺘﯽ ﻭﮦ ﻣﻠّﺎﺡ ﮐﯽ ﺑﻨﺪ ﺁﻧﮑﮭﯿﮟ
ﮐﺴﯽ ﺧﺴﺘﮧ ﺟﺎﮞ ﺭﻧﺞ ﺑﺮ ﮐﻮﺯﮦ ﮔﺮ
ﮐﮯ ﻟﯿﮯ ﺍﯾﮏ ﮨﯽ ﺭﺍﺕ ﻭﮦ ﮐﮩﺮﺑﺎ ﺗﮭﯽ
ﮐﮧ ﺟﺲ ﺳﮯ ﺍﺑﮭﯽ ﺗﮏ ﮬﮯ ﭘﯿﻮﺳﺖ ﺍﺳﮑﺎ ﻭﺟﻮﺩ
ﺍﺱ ﮐﯽ ﺟﺎﮞ ﺍﺱ ﮐﺎ ﭘﯿﮑﺮ ۔۔۔
ﻣﮕﺮ ﺍﯾﮏ ﮨﯽ ﺭﺍﺕ ﮐﺎ ﺫﻭﻕ ﺩﺭﯾﺎ ﮐﯽ ﻭﮦ ﻟﮩﺮ ﻧﮑﻼ
ﺣﺴﻦ ﮐﻮﺯﮦ ﮔﺮ ﺟﺲ ﻣﯿﮟ ﮈﻭﺑﺎ ﺗﻮ ﺍﺑﮭﺮﺍ ﻧﮩﯿﮟ ﮨﮯ !
ﺟﮩﺎﮞ ﺯﺍﺩ ﺍﺱ ﺩﻭﺭ ﻣﯿﮟ ﺭﻭﺯ، ﮨﺮ ﺭﻭﺯ ﻭﮦ ﺳﻮﺧﺘﮧ ﺑﺨﺖ
ﺁﮐﺮ ﻣﺠﮭﮯ ﺩﯾﮑﮭﺘﯽ ﭼﺎﮎ ﭘﺮ ﭘﺎ ﺑﮧ ﮔِﻞ
ﺳﺮ ﺑﺰﺍﻧﻮ ﺗﻮ ﺷﺎﻧﻮﮞ ﺳﮯ ﻣﺠﮫ ﮐﻮ ﮨﻼﺗﯽ ۔۔۔۔۔۔۔۔۔
( ﻭﮨﯽ ﭼﺎﮎ ﺟﻮ ﺳﺎﻟﮩﺎ ﺳﺎﻝ ﺟﯿﻨﮯ ﮐﺎ ﺗﻨﮩﺎ ﺳﮩﺎﺭﺍ ﺭﮨﺎ ﺗﮭﺎ)!
ﻭﮦ ﺷﺎﻧﻮﮞ ﺳﮯ ﻣﺠﮫ ﮐﻮ ﮨﻼﺗﯽ
ﺣﺴﻦ ﮐﻮﺯﮦ ﮔﺮ ﮨﻮﺵ ﻣﯿﮟ ﺁ”
ﺣﺴﻦ ﺍﭘﻨﮯ ﻭﯾﺮﺍﻥ ﮔﮭﺮ ﭘﺮ ﻧﻈﺮ ﮐﺮ
ﯾﮧ ﺑﭽّﻮﮞ ﮐﮯ ﺗﻨّﻮﺭ ﮐﯿﻮﻧﮑﺮ ﺑﮭﺮﯾﮟ ﮔﮯ
ﺣﺴﻦ، ﺍﮮ ﻣﺤﺒّﺖ ﮐﮯ ﻣﺎﺭﮮ ۔۔۔
ﻣﺤﺒّﺖ ﺍﻣﯿﺮﻭﮞ ﮐﯽ ﺑﺎﺯﯼ ، ” ﺣﺴﻦ، ۔۔
ﺍﭘﻨﮯ ﺩﯾﻮﺍﺭ ﻭ ﺩﺭ ﭘﺮ ﻧﻈﺮ ﮐﺮ ۔۔
ﻣﺮﮮ ﮐﺎﻥ ﻣﯿﮟ ﯾﮧ ﻧﻮﺍﺋﮯ ﺣﺰﯾﮟ ﯾﻮﮞ ﺗﮭﯽ
ﺟﯿﺴﮯ ﮐﺴﯽ ﮈﻭﺑﺘﮯ ﺷﺨﺺ ﮐﻮ
ﺯﯾﺮﮔﺮﺩﺍﺏ ﮐﻮﺋﯽ ﭘﮑﺎﺭﮮ ! ۔۔
ﻭﮦ ﺍﺷﮑﻮﮞ ﮐﮯ ﺍﻧﺒﺎﺭ ﭘﮭﻮﻟﻮﮞ ﮐﮯ ﺍﻧﺒﺎﺭ ﺗﮭﮯ
ﮨﺎﮞ ﻣﮕﺮ ﻣﯿﮟ ﺣﺴﻦ ﮐﻮﺯﮦ ﮔﺮ۔۔
ﺷﮩﺮ ﺍﻭﮨﺎﻡ ﮐﮯ ﺍﻥ ﺧﺮﺍﺑﻮﮞ ﮐﺎ ﻣﺠﺬﻭﺏ ﺗﮭﺎ
ﺟﻦ ﻣﯿﮟ ﮐﻮﺋﯽ ﺻﺪﺍ ﮐﻮﺋﯽ ﺟﻨﺒﺶ۔۔
ﮐﺴﯽ ﻣﺮﻍ ﭘﺮّﺍﮞ ﮐﺎ ﺳﺎﯾﮧ۔۔
ﮐﺴﯽ ﺯﻧﺪﮔﯽ ﮐﺎ ﻧﺸﺎﮞ ﺗﮏ ﻧﮩﯿﮟ ﺗﮭﺎ !
ﺟﮩﺎﮞ ﺯﺍﺩ،
ﻣﯿﮟ ﺁﺝ ﺗﯿﺮﯼ ﮔﻠﯽ ﻣﯿﮟ ﯾﮩﺎﮞ ﺭﺍﺕ ﮐﯽ ﺳﺮﺩ ﮔﻮﮞ ﺗﯿﺮﮔﯽ ﻣﯿﮟ
ﺗﺮﮮ ﺩﺭ ﮐﮯ ﺁﮔﮯ ﮐﮭﮍﺍ ﮨﻮﮞ ﺳﺮﺩ ﻣﻮ ﭘﺮﯾﺸﺎﮞ ﺩﺭﯾﭽﮯ ﺳﮯ
ﻭﮦ ﻗﺎﻑ ﮐﯽ ﺳﯽ ﻃﻠﺴﻤﯽ ﻧﮕﺎﮨﯿﮟ۔۔
ﻣﺠﮭﮯ ﺁﺝ ﭘﮭﺮ ﺟﮭﺎﻧﮑﺘﯽ ﮨﯿﮟ۔۔
ﺯﻣﺎﻧﮧ ، ﺟﮩﺎﮞ ﺯﺍﺩ ﻭﮦ ﭼﺎﮎ ﮨﮯ۔۔
ﺟﺲ ﭘﮧ ﻣﯿﻨﺎ ﻭ ﺟﺎﻡ ﻭ ﺳﺒﻮ ﺍﻭﺭ
ﻓﺎﻧﻮﺱ ﻭ ﮔﻠﺪﺍﮞ ﮐﮯ ﻣﺎﻧﻨﺪ ﺑﻨﺘﮯ ﺑﮕﮍﺗﮯ ﮨﯿﮟ۔۔
ﺍﻧﺴﺎﮞ ﻣﯿﮟ ﺍﻧﺴﺎﮞ ﮨﻮﮞ۔۔
ﻟﯿﮑﻦ۔۔
ﯾﮧ ﻧﻮ ﺳﺎﻝ ﺟﻮ ﻏﻢ ﮐﮯ ﻗﺎﻟﺐ ﻣﯿﮟ ﮔﺰﺭﮮ!
ﺣﺴﻦ ﮐﻮﺯﮦ ﮔﺮ ﺁﺝ ﺍﮎ ﺗﻮﺩﮦ ِ ﺧﺎﮎ ﮨﮯ۔۔
ﺟﺲ ﻣﯿﮟ ﻧﻢ ﮐﺎ ﺍﺛﺮ ﺗﮏ ﻧﮩﯿﮟ ﮨﮯ۔۔
ﺟﮩﺎﮞ ﺯﺍﺩ ﺑﺎﺯﺍﺭ ﻣﯿﮟ ﺻﺒﺢ۔
ﻋﻄّﺎﺭ ﯾﻮﺳﻒ ﮐﯽ ﺩﮐّﺎﻥ ﭘﺮ ﺗﯿﺮﯼ ﺁﻧﮑﮭﯿﮟ
ﭘﮭﺮ ﺍﮎ ﺑﺎﺭ ﮐﭽﮫ ﮐﮩﮧ ﮔﺌﯽ ﮨﯿﮟ
ﺍﻥ ﺁﻧﮑﮭﻮﮞ ﮐﯽ ﺗﺎﺑﻨﺪﮦ ﺷﻮﺧﯽ ﺳﮯ ﺍﭨﮭﯽ ﮨﮯ ﭘﮭﺮ
ﺗﻮﺩﮦ ﺧﺎﮎ ﻣﯿﮟ ﻧﻢ ﮐﯽ ﮨﻠﮑﯽ ﺳﯽ ﻟﺮﺯﺵ
ﯾﮩﯽ ﺷﺎﯾﺪ ﺍﺱ ﺧﺎﮎ ﮐﻮ ﮔِﻞ ﺑﻨﺎ ﺩﮮ!
ﺗﻤﻨّﺎ ﮐﯽ ﻭﺳﻌﺖ ﮐﯽ ﮐﺲ ﮐﻮ ﺧﺒﺮ ﮬﮯ
ﺟﮩﺎﮞ ﺯﺍﺩ ﻟﯿﮑﻦ ﺗﻮ ﭼﺎﮬﮯ ﺗﻮ ﺑﻦ ﺟﺎﺅﮞ
ﻣﯿﮟ ﭘﮭﺮ ﻭﮨﯽ ﮐﻮﺯﮦ ﮔﺮ ﺟﺲ ﮐﮯ ﮐﻮﺯﮮ ۔۔
ﺗﮭﮯ ﮬﺮ ﮐﺎﺥ ﻭ ﮐﻮ ﺍﻭﺭ ﮨﺮ ﺷﮩﺮ ﻭ ﻗﺮﯾﮧ ﮐﯽ ﻧﺎﺯﺵ
ﺗﮭﮯ ﺟﻦ ﺳﮯ ﺍﻣﯿﺮ ﻭ ﮔﺪﺍ ﮐﮯ ﻣﺴﺎﮐﻦ ﺩﺭﺧﺸﺎﮞ
ﺗﻤﻨّﺎ ﮐﯽ ﻭﺳﻌﺖ ﮐﯽ ﮐﺲ ﮐﻮ ﺧﺒﺮ ﮨﮯ
ﺟﮩﺎﮞ ﺯﺍﺩ۔۔۔
ﻟﯿﮑﻦ ﺗﻮ ﭼﺎﮬﮯ ﺗﻮ ﻣﯿﮟ ﭘﮭﺮ ﭘﻠﭧ ﺟﺎﺅﮞ۔۔
ﺍﻥ ﺍﭘﻨﮯ ﻣﮩﺠﻮﺭ ﮐﻮﺯﻭﮞ ﮐﯽ ﺟﺎﻧﺐ
ﮔﻞ ﻭ ﻻ ﮐﮯ ﺳﻮﮐﮭﮯ ﺗﻐﺎﺭﻭﮞ ﮐﯽ ﺟﺎﻧﺐ
ﻣﻌﯿﺸﺖ ﮐﮯ ﺍﻇﮩﺎﺭ ِ ﻓﻦ ﮐﮯ ﺳﮩﺎﺭﻭﮞ ﮐﯽ ﺟﺎﻧﺐ
ﮐﮧ ﻣﯿﮟ ﺍﺱ ﮔﻞ ﻭ ﻻ ﺳﮯ ، ﺍﺱ ﺭﻧﮓ ﻭ ﺭﻭﻏﻦ ﺳﮯ
ﭘﮭﺮ ﻭﮦ ﺷﺮﺍﺭﮮ ﻧﮑﺎﻟﻮﮞ ﮐﮧ ﺟﻦ ﺳﮯ
ﺩﻟﻮﮞ ﮐﮯ ﺧﺮﺍﺑﮯ ﮬﻮﮞ ﺭﻭﺷﻦ !
Facebook Comments
بذریعہ فیس بک تبصرہ تحریر کریں