تماشائے “اہل کرسی” دیکھنے کی خاطر میں بھی کشکول پکڑے میدان میں کود پڑا۔
حاکم کے دروازے پر دستک دی اور کشکول پھیلا دیا۔
حاکم نے پوچھا: “کیا چاہتے ہو؟”
میں نے کہا: “سکون چاہتا ہوں۔”
جواب ملا: “وہ تو صرف قبر میں ملے گا۔”
میں نے کہا: “بے روزگار ہوں، نوکری کا سوال ہے۔”
ارشاد فرمایا: “نوکری دینا حاکم کی ذمہ داری نہیں ہے۔”
میں نے کہا: “مہنگائی ختم کرنے کا حکم نامہ جاری فرما دیں۔”
کہنے لگے: “یہ معاملہ ہمارے اختیار سے باہر ہے۔”
میں نے کہا تو کچھ نہیں،
بس کشکول انہیں پکڑایا اور واپس آ گیا۔
Facebook Comments
بذریعہ فیس بک تبصرہ تحریر کریں