انٹرنیٹ کی دنیا کے مشہور کاروباری شخص کِم ڈاٹ کام نے ایک نیا سوشل نیٹ ورک لانے کا اعلان کیا ہے جو فیس بک کا متبادل ہوگا۔
برطانوی خبر رساں ادارے کی رپورٹ کے مطابق کِم ڈاٹ کام نے فیس بک اور ٹوئٹر کو ریاست کے سازشی عناصر قرار دیتے ہوئے کہا کہ اب کچھ بہتر کرنے کا وقت ہے۔
انہوں نے اس نئی ویب سائٹ کیلئے ٹوئٹ کرتے ہوئے سی آئی اے کے نمائندے، وکی لیکس کے بانی جولیان اسانج اور جرمن ہیکر ایسوسی ایشن کو اپنے ساتھ مل کر کام کرنے کی دعوت دی ہے۔
I would like to invite top security experts like @JulianAssange, @Snowden and members of the @ccc to join together in creating a secure social media platform that will replace the deep state conspirators Facebook & Twitter. After years of betrayal it’s time for something better.
— Kim Dotcom (@KimDotcom) June 5, 2018
مسٹر ڈاٹ کام کو نیوزی لینڈ حکومت کی جانب سے کاپی رائٹ قوانین کی خلاف ورزی اور فراڈ کے مقدمے کا سامنا ہے اور کیوی حکام کی جانب سے امریکا سے ان کی حوالگی کا مطالبہ بھی کیا جا رہا ہے۔
اپنے ٹوئٹ میں انہوں نے کہا کہ متبادل پلیٹ فارم میں حقیقی پرائیوسی پروٹیکشن اور زیرو سیسنر شپ ہو گی۔
کم ڈاٹ نے ٹوئٹر پر ایک پول کا انعقاد بھی کیا ہے، جس میں انہوں نے اپنے 732,000 فالورز سے ٹوئٹر کے ہونے کے بارے میں سوال کیا۔ پول میں 89 فیصد فالورز نے ہاں میں جواب دیا۔
سرے یونی ورسٹی کے سائبر سیکورٹی ایکسپرٹ پروفیسر ایلن ووڈ ورڈ نے کہا کہ مسئلہ یقین کا ہے۔ کیا آپ کم ڈاٹ کام اور جولیان اسانج پر ٹوئٹر اور فیس بُک چلانے والوں سے زیادہ بھروسہ کرتے ہیں؟
تمام سوشل میڈیا نیٹ ورکس نے وقت کے ساتھ ساتھ سیکھا ہے اور فیس بک اور ٹوئٹر نے حال ہی میں کچھ سبق سیکھے ہیں اور نئے آنے والے میڈیا کو بھی اسی طرح سیکھنا پڑے گا۔
Facebook Comments
بذریعہ فیس بک تبصرہ تحریر کریں