کراچی: سندھ ٹیکسٹ بک بورڈ میں مبینہ کرپشن کیخلاف نیب نے انکوائری کا آغاز کردیا۔ آج نیوز نے سندھ ٹیکسٹ بک بورڈ کے سالانہ ٹینڈر میں بدعنوانیوں کی نشاندہی کی تھی۔

سندھ ٹیکسٹ بک  بورڈ  میں عجب کرپشن کی غضب کہانی، دو ارب روپے سے زائد کے سالانہ ٹینڈر میں من پسند کمپنیوں کو نوازنے کا انکشاف ہوا، آج نیوز نے مالی بدعنوانیوں کو بے نقاب کیا تو  نیب کو ایکشن لینا پڑا۔

گذشتہ برس بھی 80 کروڑ روپے سے زائد کا کام صرف پیراماؤنٹ پرنٹرز کے حوالے کیا گیا، جبکہ یونیورسل بک ڈیپو کو گذشتہ برس 29 کروڑ روپے سے زائد کا بزنس دیا گیا تھا۔

Advertisements

ٹینڈر کو اس انداز میں تیار کیا گیا تھا کہ نئے افراد شامل ہی نہ ہوسکیں، بورڈ نے معیار میں پرنٹرز کے لیے کم سے کم تین سال تجربے کی شرط رکھی تھی۔ قومی احتساب بیورو  نے معاملے پر تحقیقات شروع کردی ہے۔