لاہور: ڈولفن اہلکاروں کی فائرنگ سے نیم ذہنی معذور حملہ آور ہلاک ہوگیا۔ پولیس اورعینی شاہدین کے مطابق ملزم عمیر نے چھریوں کے وار کرکے چھ شہریوں اورایک ڈولفن اہلکار کو زخمی کیا۔
تفصیلات کے مطابق چھری سے مسلح نیم پاگل نوجوان عمیر کے شہریوں پر مبینہ حملے کا واقعہ لاہور کے علاقے نواں کوٹ میں پیش آیا۔ عینی شاہدین کے مطابق ایک شخص نے راہگیروں پر چھری سے حملہ کیا، حملہ آور کو قابو کرتے ہوئے ایک ڈولفن اہلکار بھی زخمی ہوا۔
جاں بحق ہونے والے عمیر کی بہنوں نے اپنے بھائی کو بے قصور قرار دیتے ہوئے حکام سے انصاف کی اپیل کی ہے۔
اس واقعے کی حاصل ہونے والی فوٹیج میں ڈولفن اہلکار کو مبینہ حملہ آور کے پیچھے بھاگتے اور اسے گولی کا نشانہ بناتے ہوئے دیکھا جا سکتا ہے۔
وزیراعلیٰ پنجاب نے بھی واقعے کا نوٹس لیتے ہوئے آئی جی پنجاب سے تفصیلی رپورٹ طلب کرلی ہے۔
Facebook Comments
بذریعہ فیس بک تبصرہ تحریر کریں