غالباً پچھلے سال جنوری کا مہینہ تھا جب مجھے مکالمہ کے بارے میں علم ہوا،ا س سے پہلے بھی میں مختلف ویب سائٹس پر اردو بلاگ لکھ رہا تھا۔یہ اور بات کہ جتنا پرسکون ہو کر میں مکالمہ فورم کے لیے لکھتا ہوں اتنا کسی اور آن لائن فورم کے لیے نہیں لکھ پایا۔ مکالمہ کا فورم ہر مسلک، فرقہ اور نسل کے اردو پڑھنے اور لکھنے والوں کا گلدستہ بناتا ہے۔ یہاں آپ اپنے آپ کو اجنبی محسوس نہیں کرتے۔ مجھ سمیت کئی نوآموزوں کے لکھنے لکھانے کے عمل میں مکالمہ نے بہت اہم کردار ادا کیا ہے۔ مکالمہ ٹیم نے کئی نئے لکھاریوں کی اس طور حوصلہ افزائی کی کہ وہ دیکھتے دیکھتے پختہ کار لکھاری بن گئے۔ میرے کئی دوستوں نے اسی پلیٹ فارم کواپنی آواز بنایا۔
میں مکالمہ کی سالگرہ کے موقع پر انعام رانا صاحب اور اسماء مغل صاحبہ کے ساتھ ساتھ مکالمہ کی پوری ٹیم کو مبارک باد پیش کرتا ہوں جنہوں نے اتنا اچھا مثبت سرگرمیوں کا حامل اردو بلاگرز کے لیے انتہائی اہمیت کا حامل پلیٹ فارم بنایا جہاں آپ اپنے دل کی آواز بنا کسی ہچکچاہٹ اور پریشانی کے لوگوں تک پہنچا سکتے ہیں۔ اللہ کرے مکالمہ کا یہ گلستان ہمیشہ پھلتا پھولتا رہے۔
Facebook Comments
بذریعہ فیس بک تبصرہ تحریر کریں