لاہور:لاہور میں پولیس نے کریک ڈاؤن کرتے ہوئے مسلم لیگ (ن)کے 300سے زائد کارکنوں کو گرفتار کرلیا۔

نواز شریف اورمریم نواز کے استقبال سے روکنے کا منصوبہ تیار کرلیاگیا،لاہور پولیس نے لیگی کارکنوں کی پکڑ دھکڑ تیز کردی،رات گئےانتخابی دفاتر اور گھروں پر چھاپے مار کر 300سے زائد کارکنوں کو گرفتار کرلیاگیا۔

ساتھیوں کی گرفتاری پر متعدد لیگی رہنما ءغصے میں آگئے،مختف علاقوں میں احتجاجاً ٹائر جلاکر سڑک بلاک کردی۔

سابق صوبائی وزیر بلال یاسین نے بتایا کہ اُن کے گھر پر چھاپہ مار کر بیٹوں کو گرفتار کرلیا گیا۔

پولیس نے یوسی 48کے چیئرمین چوہدری محمد علی گجر،یوسی 59کے چیئرمین باؤ محمد رفیق، یوسی 17کے وائس چیئرمین عمر فاروق،ممبر کنٹونمنٹ بورڈ طاہر حمید کو بھی حراست میں لےلیا۔