کراچی: چیئرمین پیپلز پارٹی بلاول بھٹو زرداری کا کہنا ہے کہ الیکشن جیت کر عوام کے مسائل حل کریں گے، انھوں نے لیاری کے عوام سے ساتھ دینے کی اپیل کردی۔
پیپلزپارٹی کے چیئرمین نے کراچی میں اپنے حلقے کا ہنگامی دورہ کیا۔ پہلے تو بلاول بھٹو نے عبداللہ شاہ غازی کے مزار پر حاضری دی، پھولوں کی چادر چڑھائی اور فاتحہ پڑھی۔ پھر لیاری پہنچے جہاں ان کا شاندار استقبال کیا گیا۔
بلاول بھٹو زرداری نے لیاری چاکیواڑہ میں این اے 246 کے مرکزی الیکشن آفس کا افتتاح کردیا۔ جیالوں نے بلاول بھٹو کی تقریر کے دوران وزیراعظم بلاول کے نعرے بھی لگائے۔
چیئرمین پیپلز پارٹی نے لیاری کے عوام سے مدد کی اپیل کردی۔ انہوں نے گڈانی میں ڈوب کر جاں بحق افراد کے ورثا سے ملاقات کی اور لواحقین سے تعزیت اور ہمدردی کا اظہار کیا۔
چیئرمین پیپلز پارٹی بلاول بھٹو زرداری،شیری رحمان اور مراد علی شاہ کے ہمراہ سانحہ گڈانی کے لواحقین سے تعزیت کیلئے پہنچے تو چند مشتعل افراد نے بلاول مخالف نعرے لگادیئے۔ جس کے باعث وہ قافلے کے ساتھ واپس روانہ ہوگئے۔
اس موقع پر بلاول کو ٹوپی اور اجرک پہنانے والے شخص نے انہیں چومنے کی کوشش کی جس پر بلاول نے ناراضگی کا اظہار کیا
Facebook Comments
بذریعہ فیس بک تبصرہ تحریر کریں