نئی تحقیق میں انکشاف ہوا ہے کہ کورونا وائرس آپ کے دماغ کو بھی متاثر کر سکتا ہے۔

غیر ملکی خبر رساں ایجنسی کے مطابق کورونا وائرس کے اثرات پر مختلف ممالک میں تحقیق جاری ہے۔ ایک نئی تحقیق میں انکشاف ہوا ہے کہ کورونا وائرس صرف پھیپھڑوں، دل اور گردوں کو متاثر نہیں کرتا بلکہ یہ دماغی توازن بھی خراب کر سکتا ہے۔

برطانیہ میں ہونے والی نئی تحقیق میں یہ بات سامنے آئی ہے کہ کورونا وائرس کی وجہ سے دماغی ٹشوز سے محرومی کا بھی سامنا کرنا پڑ سکتا ہے جس طرح سونگھنے اور چکھنے کی حس سے محرومی کا سامنا ہوتا ہے۔

محققین کے خیال میں ان کی دریافت براہ راست کورونا وائرس کا اثر ہے کیونکہ وائرس دماغ میں ناک کے راستے داخل ہوتا ہے تاہم مخصوص دماغی حصوں میں تبدیلیاں سونگھنے اور چکھنے کی حسوں سے محرومی کا نتیجہ بھی ہوسکتی ہیں۔

Advertisements

نتائج سے یہ بھی معلوم ہوتا ہے کہ کورونا کی معمولی شدت یا علامات سے محفوظ رہنے والے افراد میں بھی طویل المعیاد علامات کا خطرہ ہوتا ہے۔