نیویارک:اقوام متحدہ میں پاکستان کی مستقل مندوب ملیحہ لودھی نے کہا ہے کہ نوجوانوں کو جنگ سے بچانے کیلئے دیرینہ تنازعات کا حل ضروری ہے۔
منگل کو اقوام متحدہ کی سلامتی کونسل میں نوجوان امن اور سلامتی کے موضوع پر خطاب کرتے ہوئے پاکستان کی مستقل مندوب ملیحہ لودھی نے کہا کہ دنیا کی 46 فیصد آبادی 25سال سے کم عمر نوجونواں پر مشتمل ہے ۔
انہوں نے کہا کہ نوجوانوں کو تنازعات سے بچانے کیلئے دیرینہ مسائل اور تنازعات کا حل ضروری ہے کیونکہ مسلح جھگڑے، سماجی نا انصافی اور غیر ملکی قبضوں سے نوجوان سب سے زیادہ متاثر ہوتے ہیں،یہ عوامل نوجوانوں کو انتہا پسندی کی طرف دھکیل دیتے ہیں۔
ملیحہ لودھی نے مزید کہا کہ صورتحال کو بہتر بنانے کیلئے ناامیدی اور مایوسی ختم کرنے کی ضرورت ہے۔ملیحہ لودھی کا کہنا تھا کہ اگر کسی کے پاس جینے کا کوئی جواز نہ رہے تو اسے مرنے کا جواز ضرور مل جاتا ہے۔
Facebook Comments
بذریعہ فیس بک تبصرہ تحریر کریں