پنجاب کے طلبہ کےلئے بڑی خوشخبری، وزیراعلیٰ مریم نواز شریف کا طلبہ کے لئے عید گفٹ، صوبے بھر کے طلبہ وطالبات کیلئے “چیف منسٹر یوتھ انی شیٹس” کے 20 ہزار بائیکس کی فراہمی کے پراجیکٹ کا آغاز کر دیا گیا۔

طلبہ کوآسان اقساط پر 20 ہزار الیکٹر ک و پیٹرول بائیکس کی فراہمی کیلئے رجسٹریشن کا عمل شروع کر دیا گیا ہے۔ پہلے مرحلے میں 19ہزار پیٹرول بائیکس اورایک ہزار ای بائیکس فراہم کی جائیں گی ۔ طلبہ کو بلا سود بائیکس کیلئے حکومت پنجاب ایک ارب روپے سبسڈی ادا کرے گی۔

طلبہ کی طرف سے20ہزار ڈاؤن پیمنٹ بھی حکومت ادا کرے گی۔طلبہ کو دی گئی بائیکس کی ماہانہ اقساط پر مارک اپ بھی حکومت پنجاب ادا کرے گی۔ طلبہ 11676 روپے ماہانہ اور طالبات 7325 روپے آسان ماہانہ اقساط جمع کراسکیں گے۔

پہلے مرحلے میں فیصل آباد ، ملتان ، بہاولپور راولپنڈی اور لاہور میں ای بائیک دی جائینگی ۔ ہر ضلع میں موٹر بائیکس آبادی کے تناسب سے دی جائے گی۔ بائیکس حاصل کرنے کی درخواست جمع کرانے کی آخری تاریخ 29اپریل 2024ہے۔

بائیکس حاصل کرنے کیلئے سرکاری یا نجی یونیورسٹی گریجویٹس کالج کا طالبعلم ہونا ضروری ہے۔ آسان اقساط پر بائیکس حاصل کرنے کیلئے طالبعلم کی عمر18سال سے زائد اورڈرائیونگ لائسنس یا لرنرپرمٹ ضروری ہے۔