اسرائیلی میڈیا کا کہنا ہے کہ ویڈیو میں القسام بریگیڈ کے سربراہ کو زندہ اور تندرست دکھایا گیا ہے۔

اسرائیلی میڈیا رپورٹس کے مطابق حماس کی قسام بریگیڈز کے رہنما محمد دیف جسے اسرائیل برسوں سے تلاش کرنے کی کوشش کر رہا ہے وہ زندہ اور پہلے کے خیال سے بہتر حالت میں ہیں۔

اسرائیل کی فوج کی طرف سے حال ہی میں حاصل کردہ فوٹیج کا حوالہ دیتے ہوئے، یروشلم پوسٹ نے رپورٹ کیا کہ دیف وہیل چیئر استعمال نہیں کرتے۔

رپورٹ کے مطابق، غزہ کی پٹی کے اندر انٹیلی جنس اکٹھا کرنے کی کارروائیوں کے دوران پکڑی گئی ایک ویڈیو میں دیف کو اپنے پاؤں پر چلتے ہوئے دیکھا گیا ہے۔

دیف پر متعدد قاتلانہ حملے ہوئے ہیں اور اسرائیل نے 7 مرتبہ انہیں قتل کرنے کی کوششوں کا اعتراف بھی کیا ہے۔

Advertisements

گزشتہ دنوں اسرائیل نے غزہ میں القسام بریگیڈز کے رہنماؤں یحییٰ النسوار اور دیف کی معلومات فراہم کرنے والوں کو لاکھوں ڈالرز انعام دینے کا اعلان بھی کیا تھا۔