بلومبرگ کی ایک رپورٹ میں خبردار کیا گیا ہے کہ 7 اکتوبر کو شروع ہونے والی جنگ (طوفان الاقصیٰ ) عالمی معیشت کو درہم برہم کرنے اور اسے کساد بازاری کی طرف دھکیلنے کا باعث بن سکتی ہے۔

بلومبرگ کی جانب سے جمعے کو شائع ہونے والی رپورٹ میں عالمی معیشت کے لیے ایک حقیقی خطرے سے خبردار کیا گیا ہے۔ یہ رپورٹ ایسے وقت میں جاری کی گئی ہے جب اسرائیلی فوج غزہ کی پٹی پر زمینی حملے کی تیاری کر رہی ہے۔

Advertisements

رپورٹ میں نشاندہی کی گئی کہ تنازع میں کسی بھی طرح کی شدت اور دیگر فریقین کی شمولیت تیل کی قیمتوں کو 150 ڈالر فی بیرل تک لے جا سکتی ہے جس سے عالمی نمو 1.7 فیصد تک گرنے کے ساتھ یہ ایک کساد بازاری کا باعث بنے گی اور عالمی پیداوار سے تقریباً ایک ٹریلین ڈالر کی کمی ہوسکتی ہے۔