سپریم کورٹ آف پاکستان میں چیف جسٹس قاضی فائز عیسیٰ کی سربراہی میں فل کورٹ اجلاس ہوا۔ ذرائع نے دعویٰ کیا ہے کہ فل کورٹ نے عدالتی کارروائی براہ راست دکھانے کی اجازت دیدی ہے۔

ذرائع کے مطابق چیف جسٹس کی زیرِ صدارت سپریم کورٹ کی فل کورٹ میٹنگ ختم ہوگئی ہے۔ فل کورٹ میٹنگ میں کیے گئے فیصلے کھلی عدالت میں سنائے جانے کا امکان ہے۔

اس حوالے سے پی ٹی وی کے چار کیمرے اوپر مہمانوں کی گیلری میں لگائے ہیں جبکہ ایک کیمرہ ڈائس پر لگایا گیا ہے۔ اس طرح مجموعی طور پر لگائے کیمروں کی تعداد پانچ ہوگئی ہے۔

پی ٹی وی عملہ نے تصدیق کی ہے کہ ہمیں کارروائی براہ راست دکھانے کی اجازت دی گئی ہے۔

دوسری جانب سرکاری ٹی وی نے براہ راست عدالتی کارروائی دکھانے کیلئے انتظامات کرنا شروع کردیے ہیں۔

Advertisements

کچھ دیر بعد فل کورٹ پریکٹس اینڈ پروسیجر ایکٹ کیس کی سماعت کرے گا۔