چین کے نائب وزیر اعظم ہی لیفنگ کاکہنا ہے کہ ی پیک دونوں ممالک کے درمیان اہم منصوبہ ہے۔خطے میں ترقی کے نئے دور کا آغاز ہوا، پاک چین دوستی ہمالیہ سے بلند اور سمندر سے گہری ہے۔

اسلام آباد میں چین پاکستان اکنامک کوریڈور کی 10 سالہ تقریب سےخطاب کرتے ہوئےچین کے نائب وزیراعظم ہی لیفنگ کاکہنا تھاکہ سی پیک کی دس سالہ تقریب میں شرکت سے خوشی ہوئی،سی پیک بیلٹ اینڈ روڈ منصوبے کاحصہ ہے، اور دونوں ممالک کے درمیان فلیگ شپ منصوبے ہے۔سی پیک نے دونوں ممالک کے مفاد کو نئی جلا بخشی ہے، اوریہ منصوبہ پاک چین دوستی کے نئے دور کا آغاز ہے،دونوں ممالک کے درمیان دوستانہ اور تاریخی تعلقات ہیں، پاکستان ، چین اچھے پڑوسی ،دوست اور پارٹنر ہے۔

ہی لیفنگ کامزیدکہنا تھاکہ سی پیک کے تحت پاکستان میں سڑکوں کے جال بچھائے گئے، اور جاری منصوبے دونوں ممالک کے باہمی اعتماد کا مظر ہیں، سی پیک کے تحت اربن ریلوے، فائبرآپٹیکل کے منصوبوں کو عمل جامہ پہنائیں گے،دوسرے مرحلے میں طویل مدتی منصوبوں کا آغاز ہوگا۔

وزیراعظم شہبازشریف کاکہنا تھاکہ آج کا دن دونوں ممالک کیلئے بہت یاد گار ہے، چین نے ترقی کا سفرہمت اور لگن سے طے کیا، اپریل 2015 میں چینی صدر شی جن پنگ نے پاکستان کا دورہ کیا، اورپاکستان کو سی پیک کا تحفہ دیا، جس سے چین پاکستان دوستی میں نئے دور کا آغاز ہوا۔ سی پیک کے تحت بہت سے منصوبوں کو وقت سے پہلے مکمل کیا،چند منصوبوں پر کام جاری ہے ، جو تکمیل کے مراحل میں ہیں۔ پاکستان میں توانائی بحران پر قابو پانے میں سی پیک نے اہم کردار ادا کیا،اور توانائی بحران پر قابو پانے سے پاکستان کی برآمدات میں اضافہ ہوا۔