این ڈی ایم اے نے سیلاب الرٹ جاری کردیا۔ فلڈ فورکاسٹنگ کمیشن، اکھنور اور پاکستان کمیشن انڈس واٹر (PCIW ) کے تازہ ترین اعداد و شمار کے مطابق (مرالہ اپ اسٹریم) میں سیلابی ریلے کا تیز بہاؤ ریکارڈ کیا گیا ہے۔

تفصیلات کے مطابق مرالہ میں اگلے 12 گھنٹوں میں پانی کے بہاؤ میں اضافے کا امکان ہے. اعداد و شمار کے مطابق مرالہ کی گنجائش 1,100,000 کیوسک ہے۔ موجودہ سطح 170,000 کیوسک ہے جسے میڈیم فلو کیٹیگری میں رکھا گیا ہے- تاہم بہاؤ میں متوقع اضافہ 250,000 کیوسک بتایا جارہا ہے جوکہ (ہائی فلو) ہو سکتا ہے۔

ممکنہ صورتحال کے پیش نظر، این ڈی ایم اے کیجانب سے متعلقہ اداروں کو ہدایات جاری کردی گئی ہیں۔ جس کے تحت نشیبی علاقوں کی نشاندہی کر دی گئی ہے۔ ضرورت پڑنے پر حساس علاقوں کو صورتحال پر فوری طور پر آگاہ کیا جائے گا۔

ممکنہ تیز بہاؤ کے پیش نظر پانی کو ریگولیٹ کرنے کے نظام کو الرٹ کردیا گیا ہے تاکہ لنک کینال کے ذریعے پانی کو ریگولیٹ کیا جا سکے۔ حساس علاقوں کی مانیٹرنگ اور اپ ڈیٹس کو مقامی کمیونٹیز اور متعلقہ اداروں کے ساتھ شیئر کیا جائے۔