امریکا کی ریاست ٹیکساس میں خاتون نے آن لائن ٹیکسی ڈرائیور پر  گولی چلا  دی۔

غیر ملکی میڈیا کے مطابق 16 جون کو 48 سالہ خاتون کو غلط فہمی ہوئی کہ ڈرائیور اسے اغواء کر کے میکسیکو لے جانے کی کوشش کر رہا ہے۔

رپورٹس کے مطابق خاتون سڑک پر سائن بورڈز دیکھ کر غلط فہمی کا شکار ہوئی جس کے بعد اس نے اپنے بیگ سے گن نکلا کر ڈرائیور کے سر اور ہتھیلی پر گولی ماری۔

غیر ملکی میڈیا کے مطابق ڈرائیور کی حالت تشویش ناک ہے جبکہ کمپنی نے واقعے پر غم و غصے کا اظہار کیا ہے۔

Advertisements

رپورٹس کے مطابق پولیس نے ابتدائی تحقیقات کے بعد کہا ہے کہ اغواء کے کوئی شواہد نہیں ملے جبکہ خاتون کے خلاف مقدمہ درج کر لیا گیا ہے۔