حریم شاہ کے خلاف منی لانڈرنگ کی تحقیقات شروع

اسلام آباد: وفاقی تحقیقاتی ایجنسی (ایف آئی اے) نے ٹک ٹاکر فضا حسین المعروف حریم شاہ کے خلاف منی لانڈرنگ کی تحقیقات شروع کردی ہیں۔

ایف آئی اے حکام کی جانب سے برطانیہ کی نیشنل کرائم ایجنسی کو باضابطہ طور پر خط لکھنے کا فیصلہ کیا گیا ہے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

ترجمان ایف آئی اے کا کہنا ہے کہ خط میں انگلینڈ کی نیشنل کرائم ایجنسی سے کارروائی کرنے کی درخواست کی جائے گی۔

ایف آئی اے حکام کے مطابق اس حوالے سے وائرل ہونے والی ویڈیو میں خاتون بھاری رقم منتقلی کا اعتراف کررہی ہیں۔

ترجمان ایف آئی اے کے مطابق ٹک ٹاکر کے ویزے ،امیگریشن اور دیگر ضروری سفری دستاویزات کی تفصیلات حاصل کر لی گئی ہیں۔

ایف آئی اے کے مطابق  خاتون کے خلاف فارن ایکسچینج قوانین کے تحت کارروائی کی جارہی ہے۔

دستاویزات کے تحت فضا حسین المعروف حریم شاہ نے 10 جنوری کی شب قائد اعظم انٹرنیشنل ایئرپورٹ سے دوحا، قطر کے لیے سفر کیا تھا۔

ترجمان ایف آئی اے کے مطابق ایئرپورٹ پر متعین کسٹمز اور ایئر پورٹ سیکیورٹی فورس سے بھی اس حوالے سے معلومات حاصل کی جارہی ہیں۔

واضح رہے کہ حریم شاہ نے بھاری رقم کے ساتھ سماجی رابطوں کی ویب سائٹ پر ویڈیوز اپ لوڈ کی ہیں جس میں انہوں ںے دعویٰ کیا کہ وہ بڑی تعداد میں غیر ملکی کرنسی پاکستان سے برطانیہ لے کر آئی ہیں۔

اس حوالے سے انہوں نے جو ویڈیوز شیئر کی ہیں ان میں دیکھا جا سکتا ہے کہ وہ غیر ملکی کرنسی کی گڈیاں ہاتھوں میں پکڑے ہوئے ہیں۔

ٹک ٹاکر نے جاری کردہ ویڈیو میں دعویٰ کیا کہ نہ انہیں کسی نے روکا اور نہ ہی کوئی روک سکتا ہے حالانکہ وہ پہلی مرتبہ اتنا بڑا اماؤنٹ لے کر برطانیہ آرہی تھیں۔

فضا حسین المعروف حریم شاہ نے جاری کردہ ویڈیو میں تلقین بھی کی ہے کہ آپ لوگ اماؤنٹ لاتے وقت خیال کیجیے گا کیونکہ پکڑ لیتے ہیں اور ساتھ ہی کہا کہ انہیں تو کسی نے کچھ نہیں کہا اور وہ بہت آسانی سے اور محفوظ طریقے سے پہنچ گئیں۔

Advertisements
julia rana solicitors london

میڈیا رپورٹس کے مطابق منی لانڈرنگ کی تحقیقات کی خبریں ذرائع ابلاغ پہ آنے کے بعد حریم شاہ نے اس حوالے سے جاری کردہ اپنی ویڈیوز بھی سوشل میڈیا اکاؤنٹس سے ڈیلیٹ کردی ہیں۔

  • julia rana solicitors london
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply