پیرس: فرانس کے ایک بچے نے صدر سے معصومانہ سوال کیا تو وہ میڈیا کی شہ سرخیوں کی زینت بن گیا حالانکہ اسکول کے ننھے طالبعلم نے فرانس کے صدر کی صرف مزاج پرسی کی تھی۔
فرانس سے تعلق رکھنے والے بچے نے نہایت معصومانہ لہجے میں پوچھا تھا کہ جناب صدر! ایک شہری سے تھپڑ کھانے کے بعد اب آپ کے مزاج کیسے ہیں؟
فرانس کے صدر عمانویل میکروں سے صوبہ لاسوم کے دورے کے دوران ایک چھوٹے بچے نے حیران کن سول پوچھ کر انہیں شرمندہ کردیا جس کی وجہ سے وہ سوال میڈیا کی شہ سرخیوں کی زینت بن گیا ہے۔
فرانسیسی اخبر لی گیگارو کے مطابق صدر میکروں جب ایک قصبے میں واقع اسکول کا دورہ کررہے تھے تو ایک طالبعلم نے ٹیلی ویژن کیمرے کے سامنے بات کرنے کی اجازت طلب کی اور پھر نہایت معصومانہ انداز میں پوچھا کہ آپ! تھپڑ کھانے کے بعد ٹھیک ہیں۔
فرانس کے جنوب مشرق میں تائین ہرمیٹیج میونسپلٹی کے دورے کے دوران ایک شخص نے صدر میکروں کو تھپڑ مار دیا تھا۔
اخبار کے مطابق صدر میکروں نے مسکراتے ہوئے جواب دیا کہ اوہ! ٹھیک ہوں لیکن وہ تفریح نہیں تھی اور اچھی بات بھی نہیں تھی۔
فرانسیسی اخبار کے مطابق اس کے بعد صدر میکروں نے اس بچے کو مخاطب کرتے ہوئے کہا کہ کسی کو اس طرح تھپڑ مارنا کبھی اچھا نہیں ہوتا۔ ان کا کہنا تھا کہ یہاں تک کہ اسکول کے صحن میں بھی یہ اچھا عمل نہیں ہے۔
فرانس کے صدر نے معصوم طالبعلم سے کہا کہ جس نے مجھے تھپڑ مارا وہ بالکل بھی ٹھیک نہیں تھا۔
Facebook Comments
بذریعہ فیس بک تبصرہ تحریر کریں